Төрийн зөвлөлийн ерөнхий сайд Ли Чян 30-ны өглөө Бө-Аогийн Азийн чуулга уулзалтын 2023 оны жил тутмын чуулганы нээлтийн ёслолд оролцож, илтгэл тавив.

Ли Чян хэлэхдээ "Энх тайван тогтвортой хөгжлийн орчныг хамтаар хамгаалж, өөрчлөлт ихтэй олон улсын нөхцөл байдлыг тодорхой хүчин зүйлээр сэлбэх ёстой. Амьжиргааны хүчин бүхий өсөлтийн төвийг бий болгож, дэлхийн эдийн засгийг тодорхой хүчин зүйлээр сэлбэх ёстой. Эв нэгтэй хамтын ажиллагааны арга замыг хамтран өргөтгөж, гүнзгий шинэчлэлттэй дэлхийн засаглалыг тодорхой хүчин зүйлээр сэлбэх ёстой. Хүмүүнлэгийн солилцоог хамтран гүнзгийрүүлж, харилцан адил бус соёл иргэншил хоорондын уялдаа холбоог илүү тодорхой хүчин зүйлээр сэлбэх ёстой" гэжээ.
Ли Чян онцлон тэмдэглэхдээ "Дэлхий нийтийн тодорхой бус нөхцөл байдалд Хятад улс  тогтвортой байдлаа хангаж, дэлхийн энх тайван, хөгжлийг хамгаалахын тулгуур болж байна. Хятад улсын хөгжлийн зорилт ирээдүй маш тодорхой, урт хугацааны турш тогтвортой байдал, хөгжил цэцэглэлээр зорилтоо болгоно. Өөртөө итгэлтэй нээлттэй урагшлан, боломжийг хуваалцахыг эрхэмлэдэг Хятад улс нь дэлхийн хөгжил цэцэглэлийн асар их хүчин болно гэдэгт эргэлзэхгүй байна. Бид цаашид дэлхийн эдийн засгийн хөгжилд илүү их хувь нэмэр оруулна гэдэгт итгэлтэй байна" гэжээ. 
Сингапурын Ерөнхий сайд Ли Сяньлүн, Олон улсын валютын сангийн захирал Кристалина Георгиева зэрэг 50 гаруй улс орон, бүс нутгийн улс төр, бизнес, эрдэм шинжилгээний  салбарын 1500 гаруй төлөөлөгч нээлтийн ёслолд оролцов.