БНХАУ-ын Коммунист намын XVIII их хурлаас хойш Хятад улсын робот үйлдвэрлэлийн цар хүрээ хурдацтай хөгжиж, 2021 онд робот үйлдвэрлэлийн нийт салбарын үйл ажиллагааны орлого 130 тэрбум юаниас давж, аж үйлдвэрийн роботын үйлдвэрлэл 366 мянган нэгжид хүрч, 2015 онтой харьцуулахад 10 дахин өсөж, дэлхийн хамгийн том аж үйлдвэрийн роботын зах зээлд 1-рт жагсжээ.

    Аж үйлдвэрийн роботын хэрэглээ нь үндэсний эдийн засагт 60 үндсэн анги, дунд ангиллын 168 салбарыг хамардаг байна. Холбогдох байгууллагуудын статистик мэдээгээр 2021 онд Хятад улсын үйлдвэрлэлийн салбарт роботын нягтрал 10 мянган хүнд ногдох 300 гаруй нэгж болж, 2012 онтой харьцуулахад 13 дахин өсжээ. Үйлчилгээний роботууд болон тусгай роботууд нь боловсрол, эмнэлгийн тусламж үйлчилгээ, логистик болон бусад салбарт томоохон үүрэг гүйцэтгэж, шинэ үйлдвэрлэл, шинэ загвар, шинэ форматыг тасралтгүй хөгжүүлсээр байна.