Хаалтын  ёслолд "Алтан цахлай шагнал" гардуулж, шилдэг киногоор Хятадын "Бээжин хот орсон нь", Афганистаны "Мина урагшаа" кино шалгарсан байна. "Мина урагшаа" киноны  найруулагч Ёсеф Бараки "Шилдэг кино найруулагч"-н шагнал хүртжээ.

ОХУ,  Энэтхэг, Киргиз, Хазахстан, Монгол, Хятадын кино уран бүтээлчид "Шилдэг кино зохиол", "Шилдэг эрэгтэй жүжигчин", "Шилдэг эмэгтэй жүжигчин"-ий шагнал гардсан байна. Кино наадамд МУГЖ И.Одончимиг "Солиот эх" киногоор "Шилдэг эмэгтэй жүжигчин" шагналын эзэн болжээ. Мөн Узбекстан, Тажикстан, Иран, Пакистан, Беларусийн холбогдох кино нь тусгай шагналыг хүртжээ.

06-р сарын 13-нд кино наадам эхэлж, 5 хоногийн турш ШХАБ-ын гишүүн орнуудын 55 шилдэг кино Чин Дао хотын 10 театрт 265 удаа үзүүлж, нийт үзэгчдийн тоо давхардсан тоогоор 50 мянгад хүрчээ. Кино наадмын үеэр мөн ШХАБ-ын орнуудын кино хамтын ажиллагааны форум, кино зах зээл сэдвээр үйл ажиллагаа явуулж, ШХАБ-ын орнуудын киноны сургалтын төлөвлөгөө гаргаж, кино хамтын ажиллагааны нийт 12 гэрээнд гарын үсэг зурсан байна.