Аньхүй мужийн Гадаад хэргийн албанаас 05-р сарын 12-нд мэдээлснээр Төрийн Зөвлөлийн урьдчилан сэргийлэх, хянах хамтарсан механизмын байрлуулсны дагуу мөн өдрөөс эхлэн Аньхуй дахь гадаадын иргэдэд "COVID-19"-ийн вакцин хийлгэх урьдчилан цаг авах ажлыг эхлүүллээ. "Нөхцөл байдлыг ойлгож мэдсэн, сайн дурын, өөрөө зардлаа даах, эрсдэлийг өөрөө хариуцах" зарчмын дагуу Аньхүй дахь гадаадын иргэдийн дунд тохирох насны бүлгийг дотоодын вакцины вакцинжуулалтын бүлэгт хамруулсан хэмээлээ.

Аньхүй муж одоогоор дотооддоо үйлдвэрлэсэн "COVID-19"-ийн вакциныг ашиглаж байна. Бүх үйл явцад хоёр тун хийлгэх шаардлагатай. Аньхүй мужийн нийгмийн хамгаалал, эмнэлгийн даатгалд хамрагдсан гадаадын иргэд, бусад даатгуулсан хятад иргэдийн адил эмчилгээний холбогдох үйлчилгээнд хамрагдах болно. Даатгуулаагүй гадаадын иргэдэд өөрсдийн зардлаар сайн дураараа вакцин хийлгэх боломжтой бол 100 юань/тун (вакцины төлбөр ба вакцинжуулалтын үйлчилгээний төлбөр багтаж байна)-ийн төлбөртэй хийнэ.

Мөн өдрөөс эхлэн Аньхүйд ажлын байгууллагатай гадаадын иргэдийг тухайн байгууллага нэгжийн хамтын бүртгэлд хамруулж урьдчилан цаг авах бол хувь хүмүүс вакцинжуулалтын товлосон газруудад цаг авахаар бүртгүүлэх боломжтой юм. Урьдчилсан цаг авах ажил амжилттай болсны дараа БНХАУ-ын байнгын оршин суух үнэмлэх эсвэл паспорт, хүчинтэй оршин суух үнэмлэхийг мэдэгдлийн дагуу вакцин хийлгэхээр тогтоосон газарт авч очих шаардлагатай. Вакцин хийлгэхээс өмнө Аньхүй дахь гадаадын иргэд журмын дагуу нөхцөл байдлыг ойлгосон, зөвшөөрсөн бичигт гарын үсэг зурах ёстой. Мөн хувийн хамгаалалтаа сайтар хийж, эрүүл мэндийн байдлаа урьдчилан мэдэгдэнэ. Вакцинжуулалтын нөхцөлийг хангаж байгаа эсэхийг мэргэжлийн хүмүүс тодорхойлох болно. Вакцин хийлгэснээс хойш 14 хоногийн дараа биеийн байдалдаа анхааралтай хандах хэрэгтэй. Хэрэв ноцтой сөрөг хариу урвал гарвал аль болох богино хугацаанд эмчид хандах хэрэгтэй.