Японы судлаачид өдрийн унтлага 40 минутаас хэтэрвэл зүрхийг амархан гэмтээх боломжтой. Америкийн шинжлэх ухаанчид хэт орой унтах нь цээжлэх чадварт нөлөөлнө гэх мэтээр олон судалгаа гаргаж байв. Өдөрт ямар цагт юу хийвэл хамгийн тохиромжтой гэдгийг хэн ч анхааралдаа аваагүй байх. Америкийн хэвлэл мэдээллийнхэн үүнд зориулан хамгийн тохиромжтой ажиллаж амрах цагийг нийтлэв.

07:30 цагт босно. Английн судлаачид өглөөний 05:22-07:21 цагт босдог хүмүүс зүрхний өвчинд нэрвэгдэх боломж өндөр байдаг. 07:21 цагаас хойно босох нь биеийн эрүүл мэндэд илүү сайн байдаг. Босмогцоо нэг аяга буцалсан усыг хөргөж уух. Энэ нь нэг шөнийн хооронд хэрэглэсэн усыг нөхдөг хэмээн үзэж байна.

07:30-08:00 цаг. Өглөөний хоолоо идэхээс өмнө шүдээ угаагаарай. Ингэснээр шүдний эрүүл мэндэд сайн байдаг.

08:00-08:30 цаг. Өглөөний цайгаа уугаарай. Өглөөний цай хоол идэх нь цусны чихрийн хэмжээг тогтвортой байлгах зэрэг олон талын сайн талтай.

08:30-09:00 цаг.  Бие тамирын ширүүн хөдөлгөөн хийхэд тохиромжгүй. Энэ хэсэг хугацаанд үл халдаах системийн чадвар хамгийн сул дорой үедээ байх бөгөөд өглөө эрт ширүүн хөдөлгөөн хийвэл амархан өвчин халдаах боломж бий. Хамгийн тохиромжтой нь алхаад ажилдаа яваарай. Өдөр бүр суугаад хөдлөх дургүй хүмүүсийг бодвол алхдаг хүмүүсийн ханиад томуу хүрэх нь 25 хувиас бага байдаг.

09:30 цаг. Энэ үед хамгийн хүнд ажлаа хийгээрэй. Учир нь хүн өглөө сэрсний дараа нэгээс хоёр цагийн хооронд тархи хамгийн цэцэн сэргэлэн үедээ байдаг.

10:30 цаг. Нүдээ амраана. Хэрэв та компьютер дээр ажилладаг бол нэг цаг ажиллах бүрдээ 3 минут нүдээ амрааж байгаарай.

11:00 цаг. Шинэ соргог жимс иднэ. Энэ нь цусны чихрийн хэмжээ буурахаас сэргийлнэ. Жүрж буюу улаан өнгөтэй жимснээс нэгийг идээрэй. Төмөр, витамин C нөхнө.

13:00 цаг. Бурцагны төрлөөс идээрэй. Бурцагны төрөл нь энергийг задруулж, хоол боловсруулалтад сайн байдаг. 

14:30-15:30 цаг. Өдрийн амралтын заг. Өдөр бүр 30 минут, долоо хоногтоо хамгийн багадаа гурван удаа өдрийн амралт хийвэл зүрхний өвчнөөр эндэх байдлыг 37 хувиар багасгадаг.

16:00 цаг. Ээдсэн сүү ууна. Өдөр бүр гурван хоолны дунд ээдсэн сүү уувал зүрхний эрүүл мэндэд сайн бөгөөд цусны чихрийн хэмжээг тогтвортой болгоно.

17:00-19:00 цаг. Дасгал хөдөлгөөн хийх. Энэ үед биеийн дасгал хөдөлгөөн хийхэд хамгийн тохиромжтой байдаг.

19:30 цаг. Оройн хоолоо бага идээрэй. Оройн хоолоо их идвэл цусны чихрийн хэмжээ ихэсч хоол боловсруулах системийн ачааллыг хүндрүүлдэг бөгөөд унтахад ч нөлөөлнө. Оройн хоолондоо шинэ соргог ногоо идэж, уураг илчлэг ихтэй хоол бага идээрэй.

21:45 цаг. Амарч суух. Энэ үед телевиз харах, ном унших зэргээр өөрийгөө завтай байлгавал сайхан унтаж амрахад нөлөөлнө.

23:00 цаг. Халуун усанд орох. Унтахаасаа өмнө халуун усанд орвол сайхан унтаж амрахад нөлөөлнө.

23:30 цаг. Унтана. Томчуул наад захдаа бүтэн 8 цаг унтах хэрэгтэй. Хэрэв 07:30 цагт босдог бол энэ үед унтахад хамгийн тохиромжтой байдаг.