Монголын "Энхрий эрдэнэ" сангаас санаачилсан "Сүрьеэгийн эсрэг хамтдаа тэмцэцгээе-Хятад, Монголын найрамдал" төслийн нээлт Баянгол дүүрэгт боллоо. Монгол Улсын Их Хурлын гишүүн С.Эрдэнэ, БНХАУ-ын ЭСЯ-ны Улс төрийн зөвлөх Ли Яньжунь, Баянгол дүүргийн ИТХ-ын дарга Г.Энхболд, Энрхиймаа сангийн тэргүүн Э.Энхриймаа болон 580 гаруй зочид нээлтийн ёслолд оролцлоо.
Улс төрийн зөвлөх Ли Яньжунь нээлтийн ёслолд оролцож Элчин сайд Шин Хайминийг төлөөлж "Сүрьеэгийн эсрэг хамтдаа тэмцэцгээе-Хятад, Монголын найрамдал" төслийн нээлтэд баяр хүргэлээ. Тэрээр Хятад, Монгол хоёр улс бол нөхөрсөг хөршүүд, хоёр улсын ард түмэн уламжлалт найрамдалтай ард түмэн. Хятадын тал хөрш орнуудын гадаад харилцааны "элэгсэг дотно, үнэнч шударга, үр ашигтай, хүртээмжтэй" үзэл баримтлалаа тууштай баримталдаг бөгөөд Монгол Улс болон бусад "Нэг бүс-Нэг зам" санаачилгын дагуух орнуудтай хамтын хөгжлөө урагшлуулж байна. Эрүүл мэндийн салбар бол ард иргэдийг хамгаалах чухал ажил бөгөөд энэ салбарын хамтын ажиллагааг хөгжүүлэх нь хоёр улсын ард түмний нөхөрлөлийг дэмжих ашиг тустай. Хятадын тал Монголын талтай тус салбарын харилцааг бэхжүүлэхэд бэлэн байна гэв.
Улс төрийн зөвлөх Ли Яньжунь цааш хэлэхдээ, Энхрий эрдэнэ сан байгуулагдсанаас хойш Монголын сүрьеэгийн өвчлөлийг эмчлэх, сэргийлэх үйлсэд тууштай оролцож, олон хүнд тусламж дэмжлэг үзүүлэн Монгол Улсын Засгийн газар, олон нийтэд ихээхэн сайшаагдсан. Бид та бүхний энэхүү сайн үйлсийг ихээхэн хүндэтгэж байна. Саяхан Элчин сайд Шин Хаймин Энхрий эрдэнэ сангийн тэргүүн, хататгтай Э.Энхриймаатай уулзаж, сангийн үйл ажиллагаанд дэмжлэг үзүүлсэн. Энэ бол Хятадын талын дээрх хөрш орнуудын харилцааны үзэл баримтлалын хэрэгжилт мөн хоёр улсын ард түмний бат бөх нөхөрлөлийн илрэл юм. Энэ удаагийн арга хэмжээгээр дамжуулан Монголын сүрьеэтэй тэмцэх үйлд түлхэц болно гэдэгт итгэлтэй байна гэлээ.
Монгол Улсын Их Хурлын гишүүн С.Эрдэнэ, Баянгол дүүргийн ИТХ-ын дарга Г.Энхболд болон тус сангийн тэргүүн Э.Энхриймаа нар БНХАУ-ын ЭСЯ-ны зүгээс үзүүлсэн халуун сэтгэлийн дэмжлэгт талархлаа илэрхийллээ.
