Шинэ Хятад улс байгуулагдсаны 70 жилийн ойг тэмдэглэх “Дөрвөн цагийн Үзэмчин” алтан намрын наадам ба монгол бөхийн цөрхөлгөө барилдааны манлай шалгаруулах тэмцээн 08 дугаар сарын 13-ны өдөр Өвөр Монголын Шилийнгол аймгийн Зүүн Үзэмчин хошуунд дэнж хотойтол эхэллээ.

Нээлтийн ёслолд Шинэ Хятад улс байгуулагдсаны 70 жилийн ойд зориулан 70 морин хуурчийн алгуунд 70 шарга морьтой хүн уурга тулан наадмын талбайд орж, наадамчин олноо баясгаж, морь унасан 9 ерөөлч ерөөл дэвшүүлж наадмаа чимэн, 256 хүчит бөх хийморь хурайлан талбайд дэвлээ.

Наадмын нээлтийн үеэр ахмад бөхөө дархлах ёслол болж, ардын найр наадмаар хийморьтой сайхан барилдаж байсан Бат-Эрдэнэ, Самдан нарыг дархалж, ахмад хоёр бөх бөхийн зангиагаа залуу бөх Мөнхсүх, Гансүх нарт уламжилж, Үзэмчин нутагт үе дамжин хүчит бөх мэндлэхийн сайхан ерөөл тавьжээ. Үхэр тэрэгтэй долоон нүүдэл, үзэмчин дээлээрээ гоёсон 70 хосын жагсаал, улсын далбаа барьсан 70 хүүхдийн жагсаал, уртын дуучид наадмын талбайд орж ирэн 1000 хүн хамтдаа “Дүүрэнзаана” уртын дууг хадаалаа.

“Дөрвөн цагийн Үзэмчин” - Хятад, Монголын хооронд дипломат харилцаа тогтоосны 70 жилийн ойг тэмдэглэх соёлын арга хэмжээ нь энэ сарын 19-ний өдрийг хүртэл үргэлжилнэ.