Хятадын Төрийн зөвлөлийн гишүүн бөгөөд Гадаад харилцааны сайд Ван И 2021 оны 12-р сарын 20-ны өдөр Бээжинд Олон улсын 2021 оны төлөв байдал болон Хятадын гадаад харилцааны тухай семинарын нээлтийн үеэр илтгэл тавив.
Хятадын 2021 оны гадаад харилцааны ажлыг дүгнэвэл, дарга Ши Жиньпинээр цөм болгосон Хятадын Коммунист Намын төв хорооны удирдлагын дагуу дэлхийн уужим багтаамжтай сэтгэлгээгээр улс орон, ард түмнийхээ төлөө ажиллаж, дэлхийн хувьсал дунд шинэ төлөв байдлыг буй болгож, дэлхийн эмх замбараагүй байдал дунд хямралыг боломж болгон өөрчилж, тэмцэл болон хамтын ажиллагааны дунд эрэлхийлэн урагшилна. Өнгөрсөн нэг жилийн туршид улсын тэргүүний гадаад харилцаа нь хамгийн баттай удирдлага болж, хүн төрөлхтний хамтын эв нэгдлийг цогцлоох нь хамгийн гялбаатай туг далбаа болж, Хятадын ард түмэн болон ХКН-ын үлгэр жишээг ярих нь хамгийн халуун сэдэв болж, шинжлэх ухааны уян хатан байдал, идэвхтэй байх нь хамгийн ил тод хэв маяг болжээ. Үүнийг хураангуйлбал: будлиан, дуулиантай орчлонд үндэстний сэргэн мандалд үйлчилж, үймээн самуун дунд тайван хөгжлийг дэмжих болно.
Нэг. Шинэ эрин зуунд цар тахал удаа дараа удаашралтай байгаа нөхцөлд бид халдварын эсрэг үр дүнтэй дипломат үйл ажиллагаа явуулж, хэлсэн зүйлээ биелүүлсэн томоохон улс орны үүрэг хариуцлагаа харууллаа. Дэлхийн Эрүүл мэндийн байгууллагын хурлаас дэлхийн эрүүл мэндийн дээд зиндааны хурал, Нэгдсэн Үндэстний байгууллагын ярилцах хурлаас талуудын уулзалт хүртэл, дарга Ши Жиньпин дэлхийн вакцины хамтын ажиллагааг санаачилж, "Нэг бүс нэг зам" вакцины хамтын ажиллагааны түншийн санаачилгыг уриалан, Хятад улсыг удирдан олон улсын цар тахлын эсрэг хамтын ажиллагааны "Тэргүүн эгнээ"-нд жагсан ажиллав.
Бид вирусийг устгах ажилд идэвхтэй ажиллажээ. Хятад улс шинэ коронавирусын вакциныг дэлхий нийтийн бүтээгдэхүүн болно гэдгийг хамгийн түрүүнд амласан. Вакцины оюуны өмчийн эрхийг чөлөөлөхийг дэмжиж, хөгжиж буй орнуудтай вакцин үйлдвэрлэх хамтын ажиллагааг эхлүүлсэн. Өнөөг хүртэл нийт 120 гаруй улс орон болон олон улсын байгууллагыг 2 тэрбум тун вакцинаар хангаж байгаа бөгөөд дэлхийн вакцин хэрэглээний гуравны нэг хувийг хангаж, вакцин хангасан тоогоор хамгийн олон улс боллоо.
Бид хөгжиж буй улс орнуудад даарсан цагт нь дах хүргэсэн. Дарга Ши Жиньпин хөгжиж буй улс орнуудтай сэтгэл зүрхээ холбож, Африкийн холбооноос боловсруулсан Африкийн 60 хувийн иргэдэд вакцин тарих зорилтын дагуу нэг тэрбум тун вакцинаар хангаж өгөв. Үүнд 600 сая тунг хандивлажээ. "Хятад-АСЕАН-ы эрүүл мэндийн бамбай" үйл ажиллагааг эхлүүлж, АСЕАН-ы орнуудыг 150 сая тун вакцинаар хангажээ. Ирэх гурван жилийн хугацаанд гурван тэрбум ам.доллар зарцуулж, хөгжиж буй улс орнуудын цар тахлын эсрэг ажиллах болон хөгжлөө сэргээхэд үйлчилнэ гэсэн байна.
Хятад улс дэлхийн шинжлэх ухаанаар вирусний эх үүсвэрийг тогтоох ажилд идэвхтэй оролцож, Дэлхийн Эрүүл Мэндийн Байгууллагатай хамтарсан шинжээчдийн судалгааны тайланг нийтэлсэн нь хамтын ажиллагааны нээлттэй, ил тод хандлагыг илэрхийлж байна. Дэлхийн 80 гаруй орон ДЭМБ-д хандан вирусний эх үүсвэрийг улстөржүүлж байгааг эсэргүүцэж байгаагаа илэрхийлж, Хятадын 25 сая гаруй интернет хэрэглэгч АНУ-ын Форт Детрик биолабораторид шалгалт хийхийг ДЭМБ-аас уриалав. Энэ нь тахал өвчнийг улстөржүүлэх, вирусийг гутаан доромжлох, эх үүсвэрийг хэрэгсэл болгохыг эсэргүүцэх нь олон улсын зөвшилцөл болсон.
Хоёр. Дэлхийн хөгжлийн олон эрсдэлтэй нөхцөлд бид эдийн засгийн сэргэлтэд шинэ түлхэц өгч, хамтын хөгжилд шинэ боломж олгосон. Хөгжил бол хүн төрөлхтний мөнхийн эрэл хайгуул бөгөөд сэргээн босгох нь бүх улс орны нийтлэг үүрэг юм. Өнгөрсөн нэг жилийн хугацаанд бид хөгжлийн гол түлхүүрийг ойлгож, илүү хүчтэй, илүү ногоон, эрүүл дэлхийн хөгжлийн төлөө тууштай ажиллалаа. Ши Жиньпин дарга дэлхийн хөгжлийн санаачилгыг ёслол төгөлдөр дэвшүүлж, ард түмний сайн сайхан амьдралыг дээшлүүлэн, хүн төрөлхтний бүх талын хөгжлийг хэрэгжүүлэх эхлэлийг тавьж, НҮБ-ын 2030 он хүртэлх тогтвортой хөгжлийн хөтөлбөртэй уялдаж, ядуурлыг бууруулах, хүнсний аюулгүй байдал, цар тахлын эсрэг ажиллах. Түүнчлэн вакцин судлан бүтээх, хөгжлийн санхүүжилт, уур амьсгалын өөрчлөлт ба ногоон хөгжил, аж үйлдвэржилт, дижитал эдийн засаг, дэд бүтцээр холбогдохыг хамтын ажиллагааны гол салбар болгожээ. Бид энэ чиглэлээр олон улсын хамтарсан хүчин байгуулж, 2030 оны дахин сэргэлтийн мөрийн хөтөлбөрийг хэрэгжүүлэхэд шинэ түлхэц өгөхийг тэсэн ядан хүлээж байна.
Өнгөрсөн нэг жилийн хугацаанд бид өндөр түвшний гадаад нээлтийг өргөжүүлсэн нь дэлхийн эдийн засгийн сэргэлтэд хүчтэй түлхэц өгсөн юм. 2021 онд Хятад улс ДХБ-д элссэний 20 жилийн ой тохиож байгаа юм. Бо-Аогоос Давос, Олон улсын үйлчилгээний үзэсгэлэнгээс Импортын экспо хүртэл, дарга Ши Жиньпин гадаад нээлтийг өргөжүүлэх, сөрөг жагсаалтыг богиносгох, бизнесийн орчныг сайжруулах, дүрмийн нээлттэй байдал зэрэг олон шинэ арга хэмжээ авахаа зарлаж, дэлхийн улс орнуудад Хятадын хөгжлийн боломжуудыг хуваалцсан байна. Олон улсын экспортын дөрөвдүгээр форумд оролцогч улс орон, аж ахуйн нэгжийн тоо хоёулаа нэмэгдэж, дэлхийн 127 улс орон, бүс нутгийн 3000 шахам аж ахуйн нэгж тус экспод оролцсон нь Хятадын супер том зах зээлийн сонирхол татахуйц байдлыг харуулж байна.
Мөн 2021 он бол "Нэг бүс нэг зам"-ын хамтын бүтээн байгуулалтад хүндрэл бэрхшээлийг даван туулсан жил юм. Гурав дахь удаагийн “Нэг бүс нэг зам” бүтээн байгуулалтын семинар шинэ төлөвлөгөө гаргаж, эхний 10 сард Хятад улс болон “Нэг бүс нэг зам”-ын түнш орнуудын бараа бүтээгдэхүүний худалдааны хэмжээ өмнөх хандлагаас 23 хувиар өсч, Хятад-Европ чиглэлийн галт тэрэгнүүд салхи сөрөн хурдалсан. "Далайд гарцгүй улсыг хуурай газрын нэгдэл болгосон" Хятад, Лаосын төмөр замыг албан ёсоор ашиглалтад оруулж, Лаосын ард түмний олон жилийн хүсэл мөрөөдлийг биелүүлжээ. Дэлхийн 144 улс, олон улсын 32 байгууллагын хамтын дэмжлэгээр “Нэг бүс нэг зам” нь дэлхийн сайн сайхны төлөөх “Хөгжил цэцэглэлтийн бүс”-ийг буй болгож, ард түмнийг “Аз жаргалын зам” уруу хөтлөв.
Гурав. Үнэн худал олон талт үзлийн өрсөлдөөнд бид жинхэнэ олон талт үзлийн бамбарыг өндөрт өргөж, НҮБ-ын эрх мэдэл, олон улсын дэг журмын тогтвортой байдлыг тууштай хамгаалжээ. Энэ жил бид Шинэ Хятад улс НҮБ-д хууль ёсны суудлаа сэргээсний 50 жилийн ойг ёслол төгөлдөр тэмдэглэв. Хятад улс НҮБ-д эргэн ирсэн нь дэлхийг өөрчилсөн, олон талт үзлийг дахин эхлүүлсэн томоохон үйл явдал юм. Өнгөрсөн 50 жилийн хугацаанд Хятад улс НҮБ-ын үзэл санааг хэрэгжүүлэхийн төлөө уйгагүй зүтгэж, дэлхийн энх тайвны хөгжлийг ахиулах тулгуур хүчин болсон юм.
Дэлхий дээр нэг л тогтолцоо байдаг, тэр нь НҮБ-гаар цөм болгосон олон улсын тогтолцоо болно. Зөвхөн нэг л дэг журам байдаг, тэр нь олон улсын эрх зүй, хуулиар суурь болгосон олон улсын дэг журам болно. Зөвхөн нэг л дүрэм байдаг, энэ нь НҮБ-ын үндсэн хуулиар суурь болгосон олон улсын харилцааны үндсэн журам болно.
Зарим улс орон "Ардчилал, хүний эрх" гэсэн далбаан дор бусад улсын дотоод хэрэгт хөндлөнгөөс оролцож, "Дарангуйлагч дэглэмийн эсрэг ардчилал" гэсэн худал санааг зохиож байгаагийн хариуд бид бүх хүн төрөлхтний нийтлэг үнэ цэнийг сурталчилж, Хятадын ард түмний ардчиллын амжилттай практикийг тайлбарлан тууштай үргэлжлүүлсээр байна. Мөн ард түмнийг сэтгэл хангалуун байлгах эсэх нь ардчиллыг хэмжих эцсийн стандарт болно.
Дөрөв. Дэлхийн хэв байдал гүнээ өөрчлөгдөж байгаа нөхцөлд бид том гүрнүүдийн харилцааг ерөнхийд нь тогтвортой хөгжүүлэхийг дэмжиж, олон улсын шинэ хэлбэрийн харилцаа тогтоохыг эрмэлзэнэ. Өнгөрсөн нэг жилийн хугацаанд Хятад, Оросын төрийн тэргүүн нар дөрвөн удаа уулзаж, стратегийн нягт харилцаагаа баримталсаар байна. Хоёр орны төрийн тэргүүний удирдлага дор Хятад, Оросын харилцаа янз бүрийн сорилтыг даван туулж, эрч хүчээр дүүрэн, томоохон гүрнүүдийн стратегийн харилцан итгэлцлийн үлгэр жишээ, хөрш орнуудын харилцан ашигтай хамтын ажиллагааны үлгэр жишээг бий болгож, олон улсын шинэ харилцааны шинэ үлгэр жишээ болж байна.
Хятад, АНУ харилцан хүндэтгэж, эрх тэгш харилцах шинэ парадигмыг судалж байна. Он гарснаас хойш Ши Жиньпин дарга ерөнхийлөгч Байдентай болзол ёсоор хоёр удаа утсаар ярьж, саяхан анхны видео уулзалт хийсэн байна. Ши Жиньпин дарга Хятад, Америкийн харилцааны талаарх Хятад улсын зарчмын байр суурийг иж бүрнээр илэрхийлж, харилцан хүндэтгэж, энх тайвнаар зэрэгцэн орших, хамтдаа ялалт байгуулах стратегийн тогтолцоог тодорхой дэвшүүлж, хоёр орны харилцааны эрүүл саруул, тогтвортой хөгжлийг удирдан чиглүүлэв. АНУ-аас Хятадын хөгжлийн зам, тогтолцоог эсэргүүцэх, Хятадын хөгжлийн үйл явцад саад учруулахгүй байх, Хятадын бүрэн эрх, нутаг дэвсгэрийн бүрэн бүтэн байдлыг зөрчихгүй байхыг шаарджээ.
Хятад, Европын холбооны иж бүрэн стратегийн түншлэлийн харилцаа сорилт бэрхшээлийг даван туулж шинэ ахиц дэвшил гаргалаа. Ши Жиньпин дарга Хятад, Франц, Германы удирдагчдын видео уулзалтыг хоёр удаа зохион байгуулж, Хятад, Төв, зүүн Европын орнуудын удирдагчдын видео уулзалтыг амжилттай зохион байгуулжээ. Хятад-ЕХ-ны газарзүйн заалтын хэлэлцээр хүчин төгөлдөр болж, Пирей боомт, Унгар-Сербийн төмөр зам зэрэг "Нэг бүс нэг зам"-ын түүхэн бүтээн байгуулалтууд тогтвортой урагшилж, Хятад Европын эдийн засгийн ашиг сонирхлын интеграци үргэлжлэн гүнзгийрсээр байна. Хятад, Европын холбоо олон талт үзлийг хамгаалж, дэлхийн засаглалыг бэхжүүлэх тал дээр өргөн нийтлэг ойлголтод хүрч, цаг уурын өөрчлөлттэй тэмцэх, тахлын эсрэг хамтдаа тэмцэх тал дээр нааштай үр дүнд хүрсэн байна.
Тав. Энх тайван хөгжил нь ард түмний хүсэл эрмэлзэл болсон нөхцөлд хөрш орнууддаа сайхан амьдрах орчныг буй болгох, бүс нутгийн энх тайван байдлыг хамтдаа хамгаалахыг дэмжинэ. Ази тив бол дэлхийн хамгийн эрч хүчтэй бүс нутаг. Бүс нутгийн энх тайван байдлыг сахин хамгаалах, хамтын хөгжлийг ахиулах нь бүс нутгийн бүх улс орнуудын нийтлэг уриалга юм. Бид бүс нутгийн хамтын ажиллагаанд анхаарлаа хандуулж, найрамдлын үндэс суурийг бататгаж байна. Бид "Нэг бүс нэг зам"-ын бүтээн байгуулалтыг АСЕАН болон Энэтхэг-Номхон далайн бүс нутгийн хүлээгдэж буй хамтын ажиллагааны гол салбаруудтай холбох "Бүс нутгийн эдийн засгийн иж бүрэн түншлэлийн хэлэлцээр"-ийг (RCEP) баталж, Ланканг, Меконгийн хамтын ажиллагааны шинэ тогтолцоог бий болгожээ. Шанхайн хамтын ажиллагааны байгууллага байгуулагдсаны 20 жилийн ойг тохиолдуулан Иран улсыг бүрэн эрхт гишүүнээр хүлээн зөвшөөрлөө. “Хятад+Төв Азийн таван орон” гадаад хэргийн сайд нарын анхны оффлайн уулзалтыг хийж, бүс нутгийн эв нэгдэлд алхаа нэгдэн урагшилж байна. Ши Жиньпин дарга Японы шинэ Ерөнхий сайдтай утсаар холбогдон, Хятад, Японы харилцааг шинэ эриний шаардлагад нийцүүлэн хөгжүүлэх тухайд нийтлэг ойлголтод хүрч, хөндлөнгийн оролцоог даван туулж, хоёр орны харилцаа эрүүл саруул хөгжих чиглэлийг заажээ. Хятад, Энэтхэг хоёр тал дипломат харилцаа болон цэргийн яриа хэлэлцээгээ үргэлжлүүлж, хил орчмын бүс нутгийн маргааныг үр дүнтэй зохицуулж, хоёр орны харилцааг сайжруулан хөгжүүлэхийн төлөө хамтран ажиллаж байна. Хятад улс болон хөрш зэргэлдээх Солонгос, Өмнөд Солонгос, Монгол Улс зэрэг улс орнуудын найрсаг хамтын ажиллагаа ч мөн адил сайн эрч хүчээ хадгалж, бүс нутгийн тогтвортой байдалд эерэг нөлөө үзүүлж байна.
Бид бүтээлч үүрэг гүйцэтгэж, халуун сэдэв болсон гол асуудлаар идэвхтэй зуучилдаг. Афганистанд яаралтай хүмүүнлэгийн тусламж үзүүлж, "Нарсны самрын агаарын коридор"-ыг нээж, Афганистаны ард түмний амьжиргааг сайжруулахад тус дэм үзүүлжээ. Афганистаны шинэ дэглэмийг хүлээцтэй, терроризмын эсрэг, сайн хөршийн бодлогыг баримталж, "Иракийн зүүний хөдөлгөөн" зэрэг бүх террорист байгууллагыг хатуу дарж, эмх замбараагүй байдлаас урьдчилан сэргийлэх, тогтвортой байдлыг хадгалах, терроризмыг хазаарлах, терроризмыг хязгаарлах, Афганистанд дэмжлэг үзүүлэхийг дэмжин ажиллаж, хүчирхийллийг зогсоож, эрүүл хөгжил рүү урагшилжээ. Мьянмарын дотоодын улс төрийн нөхцөл байдал өөрчлөгдсөнтэй холбогдуулан Хятад улс Мьянмарын АСЕАН-тай хамтран ажиллахыг үргэлж дэмжиж, АСЕАН-ы дэвшүүлсэн "Таван нийтлэг ойлголт"-ыг үе шаттайгаар хэрэгжүүлж, хөндлөнгийн оролцоог эрс эсэргүүцсээр ирсэн.
Зургаа. Хөгжиж буй орнууд сэргэн мандалтыг тулгам шаардсан хүсэл эрмэлзэлтэй тулгарч, бид өмнө, өмнөдийн хамтын ажиллагааны өргөн уудам орон зайг эрчимтэй нээжээ. Хятад-Африкийн хамтын ажиллагаа шинэ өсөлтийг эхлүүллээ. Африкийн орнуудтай хамтран тахлын нөлөөг даван туулж, Хятад, Африкийн хамтын ажиллагааны форумын Сайд нарын VIII бага хурлыг амжилттай зохион байгууллаа. Өнгөрсөн нэг жилийн хугацаанд Хятад, Африкийн худалдаа, хөрөнгө оруулалт урсгал сөрөн урагшилж, "Дэлхийн хөгжлийн санаачилга" нь Африкийн холбооны "2063 оны мөрийн хөтөлбөр" болон Африкийн орнуудын хөгжлийн стратегитай уялдаж, "Хятад, Африкийн хувийн хөрөнгө оруулалтыг дэмжих платформ"-ыг байгуулж, Африкийн хөдөө аж ахуйн бүтээгдэхүүнийг Хятадад экспортлох "Ногоон суваг" нээж, Африкт тахлын дараах сэргэлтийг түргэсгэхэд тусалжээ. Мөн бид Африкийн талтай хамтран "Африкийн хөгжлийг дэмжих түншлэлийн санаачилга"-ыг эхлүүлж, "Хятад, Африкийн дижитал инновацийн түншлэлийн төлөвлөгөө"-г хамтран боловсруулж, Хятад, Африкийн хамтын ажиллагааны агуулгыг өргөтгөсөн.
Хятад, Латин Америкийн харилцаанд тогтвортой ахиц дэвшил гарсаар байна. Хятад-Латин Америкийн чуулга уулзалтын сайд нарын III хурлаар ойрын гурван жилд хамтран ажиллах төлөвлөгөөг боловсруулж, "Нэг бүс нэг зам"-ын өндөр чанартай хамтын бүтээн байгуулалт Латин Америкт улам бат бөх болж, эрчим хүчний салбар, зам тээвэр, харилцаа холбооны салбарын хамтын ажиллагаанд ахиц дэвшил гарсаар байна. Хятад-Латин Америкийн худалдаа дөрвөн жил дараалан жилд 300 тэрбум ам.долларын өсөлттэй байна. Хоёр тал Хятад, Латин Америкийн ард түмэнд эрх тэгш, харилцан ашигтай, шинийг санаачлан, нээлттэй, үр өгөөжтэй байх шинэ эриний бүтээн байгуулалтыг эрчимжүүлж байна.
Хятад, Арабын стратегийн түншлэлийн харилцаа өндөр түвшинд хүрсэн. Хятад улс Арабын орнуудын удирдагчдын хооронд ойр дотно харилцаатай байхыг баталж, гадаад харилцааны сайд нарын харилцааг бүрэн дүүрэн холбогдуулж, "Ойрхи Дорнодын аюулгүй, тогтвортой байдлыг хангах таван зүйлт санаачилга"-ыг дэвшүүлж, Сирийн асуудлыг улс төрөөр зохицуулах дөрвөн зүйлт санал дэвшүүлэв. Мөн Палестин-Израилийн "Хоёр улсын төлөвлөгөө" хэрэгжүүлэх гурван цэгийн арга барилыг хэрэгжүүлж, Ойрхи Дорнодын тогтвортой байдлыг хадгалах, энх тайвныг дэмжих эерэг энерги өгч, хувь нэмэр оруулан тусалжээ.
Долоо. Бүх хүн төрөлхтний нийтлэг сорилтуудтай тулгарч, бид хүн төрөлхтний хувь заяаны хамтын нэгдлийн туг далбааг өндөрт өргөж, дэлхийн засаглалын тогтолцооны шинэчлэлийг идэвхтэй дэмжин ажиллажээ. Зууны тахал, зуунд гарсан өөрчлөлтүүд давхцаж, нөлөөлж, дэлхийн засаглалын тогтолцоог шинэчлэх хүмүүсийн уриалга улам хүчтэй болж байна. "Биологийн олон янз байдлын тухай нийтийн гэрээ"-нд оролцогч талуудын 15-р бага хурал, НҮБ-ын тогтвортой тээврийг үргэлжлэн хөгжүүлэх дэлхийн II бага хурал, НҮБ-ын 76-р Ерөнхий ассамблей, Ромын "Их 20"-ийн дээд хэмжээний уулзалт зэрэг олон улсын томоохон арга хэмжээний үеэр Ши Жиньпин дарга хүний төрөлхтний эрүүл мэндийн хамтын нэгдэл, хүн төрөлхтний болон байгалийн амьдралын хамтын нэгдэл, дэлхийн хөгжлийн хамтын нэгдлийг бий болгох зэрэг томоохон санаачилгуудыг дурдсан нь хүн төрөлхтний хувь заяаны хамтын нэгдлийн баялаг утгыг агуулгыг тасралтгүй өргөжүүлж, дэлхийн засаглалын тогтолцооны шинэчлэлд түлхэц өгчээ.
Бид дэлхийн эрүүл мэндийн засаглалын тогтолцоог боловсронгуй болгох, НҮБ, ДЭМБ-ын үүрэг оролцоог бэхжүүлэхийг дэмжиж, хяналт тавих, урьдчилан сэрэмжлүүлэх, яаралтай хариу арга хэмжээ авах, чухал хүнд тахлын эмчилгээ, яаралтай тусламжийн эд бараа болон баталгаа хангах, худал мэдээлэлтэй тэмцэх, хөгжиж буй орнуудад дэмжлэг үзүүлэх зэрэг "Таван том чадавхыг" сайжруулан ажиллаж, дэлхийн эрүүл мэндийн хамтын ажиллагаанд чухал үүрэг гүйцэтгэсэн. Бид дэлхийн уур амьсгалын засаглалд хариуцлагатай хандаж, "Хос нүүрстөрөгч"-ийн зорилтын бодлогын тогтолцоог дараалан хэрэгжүүлж, хилийн чанадад нүүрсний эрчим хүчний шинэ төсөл барихгүй гэдгийг зарлаж, "Глазгогийн уур амьсгалын хэлэлцээр"-ийг байгуулах, Хятад улс уур амьсгалын үйл ажиллагааг бэхжүүлэх тухай АНУ-ын хамтарсан тунхаглал, "Дэлхийн датагийн аюулгүй байдлын санаачилга"-ыг үргэлжлүүлэн өргөжүүлж, Арабын орнуудын холбооны "Хятад-Арабын датагийн аюулгүй байдлын хамтын ажиллагааны санаачилга" нийтэлж, "Дижитал эдийн засгийн түншлэлийн хэлэлцээр"-т нэгдэхийг санал болгож, дэлхийн дижитал засаглалын тогтолцоог илүү шударга, үндэслэлтэй чиглэлд чиглүүлжээ.
Найм. Гадны хөндлөнгийн оролцоо, өдөөн хатгалгад бид үндэсний бүрэн эрх, аюулгүй байдал, үндэсний нэр төрийг тууштай хамгаална. Тайваний нөхцөл байдалд хурцадмал байдлын шинэ үе гарч байна. Асуудлын гол нь Тайваний эрх баригчид "Тусгаар тогтнолынхоо төлөө АНУ-д найдах" оролдлого хийж байгаа бөгөөд АНУ болон зарим улс орнууд "Тайванийг ашиглаж Хятадыг хяналтдаа байлгах"-ыг зорьж, нэг Хятадын зарчмын утгыг хуурамчаар үйлдэх, эсвэл бүр хоосон болох аюултай. Чухамхүү эдгээр гажуудлын үйлдлүүд нь Тайваний өнөөгийн байдлыг өөрчилж, Тайваний энх тайван, тогтвортой байдлыг алдагдуулж, олон улсын хамтын нийгэмлэгийн зөвшилцөл, олон улсын харилцааны үндсэн хэм хэмжээг зөрчиж байна. Үүнтэй холбогдуулан бид хатуу сануулга өгч, хүчтэй хариу арга хэмжээ авсан нь "Тайваний тусгаар тогтнол"-ын салан тусгаарлагч хүчний бардам занг цочирдуулсан юм. Тайвань бол хэзээ нэгэн цагт эх нутагтаа буцна, харин бусдын гар хөл болсон тэнүүлч биш, Хятад нэгдмэл байх ёстой, нэгдсэн байх ёстой.
Өнгөрсөн онд бид мөн олон орны хүмүүсийг Шиньжянд урьж, бүх төрлийн худал хуурмаг, худал мэдүүлгийг үнэнээр илчилсэн. Бид Хонконгийн хэрэгт хөндлөнгөөс оролцож буй гаднын хүчнийг эрс эсэргүүцэж, Хонконгийн эмх замбараагүй байдлаас эхлээд засаглал, тогтворжилт, сайжруулалт хүртэлх сайн байр суурийг бэхжүүлжээ. НҮБ-ын Хүний эрхийн зөвлөл, НҮБ-ын Ерөнхий Ассамблейн 3-р хороо болон бусад олон улсын тавцанд хүний эрхийг ашиглан хэрэг явдал өдөөн хатгасан үйл ажиллагаанд цохилт өгч, Хятад улсын хүний эрхийн хөгжлийн ололт амжилтыг харуулж, зарим улс орнуудын хүний эрхийг зөрчиж байгааг илчилж, мөн шударга ёсыг ашиглан бузар мууг дарж, үндсийг нь засан, 100 шахам улс орны дэмжлэгийг авсан. Бид 173 улсын хамт НҮБ-ын Олимпын амралтын тухай шийдвэрийн тогтоолыг батлахыг амжилттай дэмжиж, олон улсын хамтын нийгэмлэг Бээжингийн Өвлийн Олимпын наадмыг дэмжихэд хүчтэй түлхэц өгсөн.
Ес. Гадаад орчны хүнд хэцүү, ээдрээтэй нөхцөлд бид дотоодын хөгжилд бүхнээ зориулж, ард түмнийхээ төлөө дипломат үйл ажиллагаа явуулахыг эрмэлзэн ажиллажээ. Ард түмнээ дээдлэх нь Хятадын дипломат харилцааны үнэ цэн болно. 2021 онд бид "Хаврын вакцины арга хэмжээ"-г дэлхий даяар сурталчилж, шинэ коронавирусын вакциныг хилийн чанадад байгаа элэг нэгтнүүддээ вакцинжуулахад нь тусалж, дэлхийн 180 улс орны сая сая хүмүүст үр өгөөжөө өгсөн. Гадаад харилцааны яамны 12308 дугаарын утсанд 24 цагийн турш гадаадад ажиллаж буй Хятадын ард түмэнд тусламж үзүүлж, 500 гаруй мянган дуудлага хүлээн авсан байна. Хятадын интернэт хэрэглэгчдийн хэлснээр аугаа эх орон бол Хятадын иргэн бүрийн бат бөх түшиг тулгуур байх болно.
2022 он бол Хятадын ард түмэн хоёр дахь зуун жилийн зорилтдоо хүрэх чухал жил юм. Нам, улс орны улс төрийн амьдралын нэн тэргүүний зорилт болсон Намын XX их хурлыг бид ёслол төгөлдөр зарлан хуралдуулна. Дипломат фронт нь Ши Жиньпиний хамт Намын Төв хорооны эргэн тойронд илүү нягтран нэгдэж, "Дөрвөн ухамсар"-ыг нэмэгдүүлж, "Дөрвөн итгэл"-ийг бэхжүүлэн, "Хоёрыг хамгаалах"-ыг биелүүлж, "Улс орон хамгийн том байх”-ыг бат тогтоож, нам болон улс орныхоо агуу их үйлсэд илүү тогтвортой, таатай гадаад орчныг бүрдүүлэхийн төлөө зүтгэнэ.
Нэг. Бээжингийн өвлийн олимпыг амжилттай зохион байгуулахад бүрэн хамтран ажиллана. Өвлийн Олимпын наадам "Бээжингийн цаг"-т орж, Хятад улс дэлхий нийтэд энгийн, аюулгүй, сэтгэл хөдөлгөм олимпын арга хэмжээг өргөн барих болно гэдэгт итгэлтэй байна. Бид олон улсын хамтын нийгэмлэгтэй хамтран "Эв нэгдэл, найрамдал, шударга өрсөлдөөн, харилцан ойлголцол" хэмээх олимпын үзэл санааг сурталчлах, НҮБ-ын Ерөнхий Ассамблейн Өвлийн Олимпын эвлэрлийн тогтоолыг дагаж мөрдөх, Олимпыг улстөржүүлэхийг эсэргүүцэн, Өвлийг Олимпыг харилцан ойлголцол, нөхөрлөлийг бататгах хэмжээнд хүргэж, "Ирээдүйд хамтдаа байх" солилцооны агуу наадам болгон зохион байгуулж, тахлын үед дэлхий дахинд илүү их итгэл, баяр баясгаланг авчирч, илүү их зориг, хүч чадал өгөх болно.
Хоёр. Цар тахлын дараах үеийн олон сорилтод идэвхтэй хариу арга хэмжээ авна. Эв нэгдэл, тахал өвчинтэй тэмцэх гол сэдвийг баримталж, халдварт өвчнөөс урьдчилан сэргийлэхэд хамтран ажиллахад эрч хүчтэй, халуун дулаан уур амьсгалтай хүн төрөлхтний эрүүл мэндийн хамтын нэгдлийг бий болгоно. "Дархлааны цоорхой"-г арилгахын тулд хамгийн хүчирхэг зэвсэг болох вакциныг ашиглах нь зайлшгүй юм. Үүний зэрэгцээ эмийн судалгаа, хөгжлийн хамтын ажиллагааг идэвхтэй хэрэгжүүлж, халдварт өвчнөөс хамгаалах олон шугам байгуулж, олон улсын хамтарсан хүчин байгуулж, ирээдүйн тахал өвчнөөс хатуу сэргийлнэ.
Гурав. Дэлхийн хөгжлийн санаачилгын хэрэгжилтийг дэмжинэ. Дэлхийн хөгжлийн санаачилга нь олон нийтэд нээлттэй бүтээгдэхүүн юм. НҮБ-ын 2030 он хүртэлх Тогтвортой хөгжлийн хөтөлбөрт бүрэн нийцэж, найман үндсэн чиглэлээр хамтын ажиллагааг сайжруулж, хөгжлийн тэргүүлэх чиглэлийн үзэл баримтлалыг уриалж, дэлхийн хөгжлийн хамтын ажиллагааг сэргээн хөгжүүлэх ажилд нэг ч улс орон, нэг ч хүнийг хоцроохгүй.
Дөрөв. Дэлхийн түншийн харилцааг өргөжүүлэн гүнзгийрүүлнэ. Бид Хятад, Оросын стратегийн хамтын ажиллагааг гүнзгийрүүлж, дэлхийн тогтвортой байдлын тулгуур, энх тайвныг сахин хамгаалахын тулгын чулуу, шударга ёсны хариуцлагын үүргийг тууштай хэрэгжүүлэх болно. Хятад, ЕХ-ны дээд түвшний стратегийн харилцаа холбоог бэхжүүлж, яриа хэлцэл, хамтын ажиллагааны гол талыг баримталж, харилцан ашигтай, хамтдаа хожих өнгө аясыг тогтоож, өрсөлдөгч биш түншийн харилцааг үргэлжлүүлнэ. Хөрш зэргэлдээ улс орнуудтай интеграц хөгжлийг эрчимжүүлж, ашиг сонирхол, ард түмний итгэл холбоог иж бүрэн гүнзгийрүүлэн, энх тайван, амар амгалан, хөгжил цэцэглэлт, гоо үзэсгэлэн, найрамдалтай хамтын эх орныг гар нийлэн байгуулна. Хөгжиж буй орнуудын үнэнч, найдвартай түнш болж, улс орнуудын бие даасан хөгжих чадавхыг нэмэгдүүлэхэд нь тууштай дэмжлэг үзүүлж, хөгжиж буй орнуудын хууль ёсны хөгжлийн эрхийг хамгаална.
Тав. Хятад, Америкийн харилцааны тогтвортой байдлыг түлхүү сайжруулна. 2022 онд ерөнхийлөгч Никсон Хятадад айлчилсны 50 жилийн ой тохиож байна. Хятад, Америк хоёр тал анхны санаагаа эргүүлэн бодож, хоёр орны төрийн тэргүүний зөвшилцлийг хэрэгжүүлж, харилцан хүндэтгэх, энх тайвнаар зэрэгцэн орших, хамтдаа ялалт байгуулах гурван зарчмыг баримтлах ёстой. Хятад, Америкийн гурван хамтарсан тунхаглалын үзэл санааг даган мөрдөж, АНУ-ыг Хятадад авах бодлогоо зөв зохистой байдалд эргэн оруулахыг дэмжиж, Хятад, Америкийн харилцааг зөв замд эргүүлнэ. Өөр өөр системтэй, өөр соёлтой, хөгжлийн өөр үе шаттай хоёр том улсыг энэ бөмбөрцөгт энх тайвнаар зэрэгцэн орших арга замыг хайж, хоёр улс болон дэлхийн ард түмэнд ашиг тусаа хүртээх болно.
Зургаа. Улс орныхоо үндсэн эрх ашгийг тууштай хамгаална. Хятадын бүрэн эрхт байдал, аюулгүй байдал, хөгжлийн ашиг сонирхолд аюул учруулах аливаа аюул заналхийлэл, өрсөлдөөнтэй тууштай тэмцэж, бидний дотоод хэрэгт хөндлөнгөөс оролцож, хэл ам, гүтгэлэг тараах аливаа хорон санаат үйлдлүүдтэй тууштай тэмцэнэ. Хятад улс үргэлжлэн бие даасан энх тайвны гадаад бодлого хэрэгжүүлж, энх тайван хөгжлийн замыг тууштай баримталж, бүх улс оронтой адил тэгш харьцаж, харилцан ашигтай хамтран ажиллах болно. Бид хэзээ ч бусдаас хараат байгаагүй, бусдыг дээрэмдэж байгаагүй, үүний хажуугаар Хятадын эсрэг аливаа дарамт шахалт, шантаажийг хэзээ ч хүлээн зөвшөөрөхгүй.
Хүн төрөлхтний соёл иргэншлийн дэвшил эрчимтэй хөгжиж, Хятадын үндэстнүүдийн сэргэн мандлын алхааг хориглохын аргагүй юм. Ши Жиньпиний гадаад харилцааны үзэл санааны удирдлагын дагуу Хятадын гадаад харилцаа шинэ түүхэн аялалд үргэлжлэн аялж, хүн төрөлхтний хувь заяаны хамтын нэгдлийг байгуулах зорилтын төлөө шаргуу ажиллан, Хятад улс болон дэлхий дахинд илүү их хувь нэмэр оруулж, түүхийн шинэ хуудсыг бичих болно.
