Хятадын ард түмэн цагаан сарын баяраар гэр орон гудамж талбайгаа улаан өнгийн цаасан хайчилбараар чимдэг уламжлалтай. Эдгээр хайчилбар нь голчлон хятад ханзаар бичсэн “Аз жаргал”, “Баялаг”, “Урт удаан амьдрал” зэрэг бэлгэтэй үгс байдаг. Мөн улаан өнгөтэй дэнлүү гэрийнхээ гадаа өлгөж, хаалган дээрээ хос уянга наадаг бөгөөд цагаан сараар шинэ хувцас авахыг бэлгэшээдэг учир улаан хувцас авах дуртай байдаг. Хятадын цагаан сар дөхөж байгаа энэ үеэр цагаан сарын бараа бүтээгдэхүүний зах хөл ихтэй байна.