ХКН-ын Төв хорооны Улс төрийн товчооны гишүүн, Гадаад хэргийн сайд Ван И 02-р сарын 06-нд Өмнөд Солонгосын Гадаад хэргийн сайд Чо Тэ-юлтой утсаар ярьсан байна.
Ван И Чо Тэ-юлийн Гадаад хэргийн сайдаар томилогдсонд баяр хүргэж:
- Хятад улс болон Өмнөд Солонгос нь бие биеийнхээ ойрын хөрш, хамтран ажиллагч түншүүд юм. Хоёр улс дипломат харилцаа тогтоод ирснээс хойш маш сайн үр дүнд хүрсэн бөгөөд хоёр орны ард түмэнд их ашиг авчирч, бүс нутгийн энх тайвныг дэмжихэд эерэг үүрэг гүйцэтгэж байна.Хятад улс Өмнөд Солонгост хандах бодлого тогтвортой, тасралтгүй байсаар ирсэн бөгөөд ямагт Өмнөд Солонгосыг хамтын ажиллагааны чухал түнш гэж үздэг.Өмнөд Солонгос нь Хятадын эерэг, зорилготой, найрсаг бодлого баримталж, нэг Хятадын зарчмыг баримталж, Хятад Өмнөд Солонгосын харилцааны улс төрийн суурийг хамгаалж, хоёр талын харилцааг зөв, тогтвортой хөгжлийн замд эргэн авчирна гэдэгт найдаж байна.Хятад,Өмнөд Солонгос хоёр эдийн засгийн нягт холбоо, өндөр уялдаа холбоотой үйлдвэрлэл, нийлүүлэлтийн гинжин хэлхээтэй.Тиймээс хоёр тал үйлдвэрлэл,нийлүүлэлтийн хэлхээний тогтвортой, жигд байдлыг хадгалахын төлөө хамтран ажиллаж, эдийн засгийн асуудлуудыг улс төржүүлэх, багаж зэмсэг болгохыг эсэргүүцэх ёстой гэж хэллээ.
Чо Тэ-юл:
- Өмнөд Солонгос болон Хятадын хооронд дипломат харилцаа тогтоосны дараа хоёр орны хамтын ажиллагаа үсрэнгүй хөгжсөн юм.Өмнөд Солонгос,Хятадын харилцаа маш чухал.Өмнөд Солонгосын Засгийн газар Хятад улстай харилцаагаа хөгжүүлэхэд ихээхэн ач холбогдол өгч, харилцан итгэлцлийг нэмэгдүүлж, Хятад улстай хамтран ажиллахад бэлэн байна. Бид дээд түвшний солилцоог бэхжүүлж, эдийн засаг, хүн ам болон бусад салбарт ололт амжилтыг хуримтлуулан, хоёр улсын харилцааны тогтвортой хөгжлийг дэмжинэ.Өмнөд Солонгос нэг Хятадын зарчмыг дэмжсээр байна.Өмнөд Солонгос болон Хятад улс эдийн засаг, худалдааны нягт хэлхээ холбоотой бөгөөд эдийн засаг, худалдааны асуудлыг ерөнхийд нь авч үзэх ёсгүй гэдэгтэй Өмнөд Солонгосын тал санал нэгтэй байна.Хоёр тал үйлдвэрлэл, нийлүүлэлтийн хэлхээний тогтвортой байдлыг хадгалах талаар харилцаа, зохицуулалтыг үргэлжлүүлэн бэхжүүлэх ёстой гэсэн байна.
