Орон нутгийн цагаар 01-р сарын 13-нд Анголын ерөнхийлөгч Лорензо Луанда хотноо айлчилж буй Хятадын Гадаад хэргийн сайд Чинь Гантай уулзав. 

Лорензо хэлэхдээ "Ангол, Хятад хоёр орон үргэлж эв нэгдэлтэй, харилцан итгэж ирсэн бөгөөд хамтын ажиллагааны эрч хүч сайн байна. Хятадын дэмжлэгтэй баригдсан нисэх онгоцны буудал, усан цахилгаан станц, автозам, боомт зэрэг олон чухал төслүүд Ангол улсад саадгүй хөгжиж, дайны дараах сэргээн босголт, Анголын эдийн засаг, нийгмийн хөгжилд зайлшгүй чухал үүрэг гүйцэтгэж байна. Хятадын аж ахуйн нэгжүүд дэд бүтэц, ард иргэдийн амьжиргааг дээшлүүлэхэд эерэг хувь нэмэр оруулжээ. Бид Хятадтай хамтын ажиллагаагаа улам гүнзгийрүүлж, Хятадын Ангол дахь хөрөнгө оруулалтыг нэмэгдүүлэхийг найдаж байна" гэв.

Чинь Ган хэлэхдээ "40 жилийн өмнө дипломат харилцаа тогтоосноор Хятад, Ангол хоёр үргэлж чин сэтгэлийн, найрсаг харилцаатай байж, гар нийлэн ажиллаж ирсэн. Хоёр орны хэдэн үеийн удирдагчдын нийтлэг анхаарал тавьж, стратегийн удирдамжийн ачаар Хятад-Анголын улс төрийн харилцан итгэлцэл, уламжлалт нөхөрлөл гүнзгийрч, прагматик хамтын ажиллагаа үр дүнд хүрсэн юм. Хятад улс хоёр улсын тэргүүн нарын чухал зөвшилцлийг хамтран хэрэгжүүлж, прагматик хамтын ажиллагааны чанар, дээшлүүлэхэд дэмжлэг үзүүлэх, хоёр орны ард түмэнд илүү ач тусыг өгөхөд бэлэн байна" гэв.