Тогтвортой өсөлтийн бодлогын үр дүнд оны эхний улиралд эдийн засгийн сэргэлт нэмэгдэх төлөвтэй байгааг олон байгууллага таамаглаж байна. 01-р сараас 02-р сар хүртэл аж үйлдвэрийн өсөлт аажмаар сэргэж, дэд бүтцийн хөрөнгө оруулалт ихээхэн хүчин чармайлт гаргаж, боловсруулах салбарын хөрөнгө оруулалт өндөр өсөлтөө хадгалан, суурь нөлөө багатай байгаа үед өргөн хэрэглээний барааны жижиглэнгийн борлуулалтын мэдээлэл мөн сэргэж байна.
Жэшан Securities-ийн ахлах эдийн засагч Ли Чао:
- Эдийн засаг 01-02-р сард сэргэх шинж тэмдэг илэрч, эдийн засаг эхний улиралд сайн эхэлсэн гэж бид үзэж байна гэж хэллээ.
Нийлүүлэлтийн тал дээр Ли Чао өсөлтийг тогтворжуулах бодлого нь аж үйлдвэрийн үйлдвэрлэлийг хамгаалж, нийлүүлэлтийг суллаж, нийлүүлэлтийн цочролыг бууруулах төлөвтэй байна гэж үзэж байна. Тэрээр аж үйлдвэрийн салбарын хөгжил дэвшил аажмаар сэргэж, ерөнхий байдал тогтвортой сайжран, 01-02-р сард тогтоосон хэмжээнээс давсан аж үйлдвэрийн аж ахуйн нэгжүүдийн нэмүү өртөг өмнөх оны мөн үеийнхээс 5.5 хувиар өсөх төлөвтэй байна гэж илэрхийллээ.
Хуачуан Securities-ийн судалгааны хүрээлэнгийн туслах захирал, ахлах макро шинжээч Жан Юй:
- 01-02-р саруудад аж үйлдвэрийн нэмүү өртгийн өсөлт тав орчим хувь байгаа нь өнгөрсөн оны 12-р сарын 4.3 хувиас арай дээр байна. Аж үйлдвэр, мэдээллийн технологийн яамны 02-р сарын 28-ны өдрийн үнэлгээгээр Хятадын аж үйлдвэрийн эдийн засаг өнгөрсөн оны дөрөвдүгээр улиралд тогтворжиж, сэргэх хандлагатай байгааг үргэлжилж, нийт үйл ажиллагаа нь тогтвортой байгааг онцлов.
Ялангуяа, аж үйлдвэрийн эдийн засгийг хөгжүүлэх олон төрлийн бодлого, арга хэмжээг хэрэгжүүлснээр аж үйлдвэрийн эдийн засгийг эрчимжүүлэхэд үе шаттай үр дүнд хүрсэн. Түүнчлэн энэ жилийн хаврын баярын орчимд хоногийн нүүрсний хэрэглээ өмнөх оны мөн үеэс бага зэрэг сайжирсан. Хятадын төмөр гангийн холбооны статистик мэдээгээр, 01-р сараас хойшхи өсөлтийн хурд өнгөрсөн оны 12-р сарынхтай үндсэндээ ойролцоо байгаа юм.
Эрэлт талаас нь авч үзвэл салбарынхан хаврын баярын амралтын хугацаанд орон нутгийн хэрэглээ тодорхой хэмжээгээр гарч, нийгмийн өргөн хэрэглээний барааны жижиглэнгийн борлуулалтын илэрхий мэдээлэл сэргэж байна гэж үзэж байна. Хөрөнгө оруулалтын өгөгдлийг сэргээх нь 01-02-р сарын гол тод цэг болсон. 2021 оны 01-02-р сард үндсэн хөрөнгийн хөрөнгө оруулалтын суурь бага байна. Түүнчлэн энэ оны эхнээс үндсэн хөрөнгийн хөрөнгө оруулалтын төслийг батлах ажил нэлээд хурдтай явагдаж байгааг олон нийтийн мэдээллээс харж болно. Бүх газар орны томоохон төслүүд хугацаанаасаа өмнө эхэлсэн. Эхний улирлын төсвийн урьдчилгаа нь үндсэн хөрөнгөд хөрөнгө оруулах санхүүгийн баталгаа болж байна.
01-р сараас 02-р сар хүртэл үндсэн хөрөнгийн хөрөнгө оруулалт өмнөх оны мөн үеэс 11 хувиар өснө гэж Ли Чао таамаглаж байна. Үүнээс боловсруулах аж үйлдвэрийн салбарын хөрөнгө оруулалт өмнөх оны мөн үеэс 24.5 хувиар нэмэгдэж, дэд бүтцийн хөрөнгө оруулалт (цахилгаан, дулаан, хий, ус үйлдвэрлэл, хангамжийн салбарыг оролцуулалгүйгээр) 7.0 хувиар өссөн байна. Түүний үзэж байгаагаар 01-02-р сар хүртэл өсөлтийг тогтворжуулах бодлого тодорхой хүчин чармайлт гаргаж, үндсэн хөрөнгийн хөрөнгө оруулалтын өсөлт хүлээгдэж байснаас давах төлөвтэй байгаа бөгөөд аж үйлдвэрийн бодлого нь харьцангуй өндөр өсөлтийн хурдыг хадгалахын тулд боловсруулах салбарт хөрөнгө оруулалтыг хөдөлгөж байна.
02-р сарын Худалдан авалтын менежерүүдийн индексийн (PMI) мэдээгээр тусгай тоног төхөөрөмжийн үйлдвэрлэлийн индекс болон шинэ захиалгын индекс хоёулаа 54.0 хувиас дээш гарсан байна. Аж үйлдвэрийн салбарын хүчтэй хөрөнгө оруулалтын цаана өмнөх онд үйлдвэрлэлийн ашигт ажиллагаа сайжирч, өмнөх улиралд экспорт хүчтэй байсан бөгөөд зээл нь боловсруулах аж үйлдвэрийн салбар руу чиглэв. Энэ онд Үйлдвэр, мэдээллийн технологийн яамнаас гаргасан зохицуулалтын дагуу ногоон өөрчлөлт, дижитал өөрчлөлтөөр дамжуулан боловсруулах аж үйлдвэрийн салбарт хөрөнгө оруулалтыг нэмэгдүүлэх ажлыг үргэлжлүүлнэ.
Гуотай Жүнь-ань компаний ахлах макро шинжээч Дүн Чи:
- 02-р сард барилгын инженерийн салбарын PMI индекс 8.9 нэгж хувиар өсч, 58.6 хувь болсон нь зам барилгын ажилтай холбоотой асфальтын ашиглалтын түвшин доогуур түвшнээс сэргэсэнтэй холбоотой байж, ерөнхийдөө дэд бүтцийн бүтээн байгуулалтын ажлын өсөлт цаашид ч өсөх хандлагатай байна гэж хэллээ.
