Хятадын Ардын банкны 09-ний өдөр нийтэлсэн санхүүгийн статистик мэдээгээр 08-р сард юанийн зээлийн хэмжээ 1.25 их наяд юаниар нэмэгдэж, өнгөрсөн оны мөн үеийнхээс 39 тэрбум юаниар нэмэгдсэн байна.

Төв банкны тоо баримтаас үзвэл 08-р сарын эцсээр Хятадын юанийн зээлийн үлдэгдэл 208.28 их наяд юань болж, өнгөрсөн оны мөн үеийнхээс 10.9 хувиар өсөж, өсөлтийн хурд нь өнгөрсөн сар болон өмнөх оны мөн үеийнхээс тус тус 0.1 ба 1.2 пунктээр бага байна.  Нэгдүгээр сараас наймдугаар сар хүртэл Хятадын юанийн зээл 15.61 их наяд юаниар нэмэгдэж, өнгөрсөн оны мөн үеийнхээс 554 тэрбум юаниар нэмэгдсэн юм.

08-р сард Хятадын юанийн хадгаламж 1.28 их наяд юаниар нэмэгдэж, өнгөрсөн оны мөн үеийнхээс 92.6 тэрбум юаниар буурсан байна.

Мөн өдөр нийтэлсэн нийгмийн санхүүжилтийн тоо баримтаас харахад Хятадын нийгмийн санхүүжилтийн хэмжээ 08-р сард 2.43 их наяд юаниар нэмэгдэж, өмнөх оны мөн үеэс 557.1 тэрбум юаниар бага байж, 08-р сарын эцсийн байдлаар нийгмийн санхүүжилтийн нөөц 337.21 их наяд юань болж, өнгөрсөн оны мөн үеэс 10.5 хувиар өссөн байна.