Германы Холбооны Статистикийн Хорооны 18-ны өдөр нийтэлсэн тоо баримтаас үзвэл 2021 онд Герман, Хятадын хоёр талын худалдааны хэмжээ 2020 онтой харьцуулахад мэдэгдэхүйц нэмэгдэж, Хятад улс 6 дахь жилдээ Германы худалдааны хамгийн чухал түнш болсон байна.

Германы Холбооны Статистикийн Хорооны мэдээлснээр "2021 онд Германы Хятадаас импортлох хэмжээ 2020 онтой харьцуулахад 20.8 хувиар нэмэгдэж, Хятад руу хийх экспорт 2020 оныхоос 8.1 хувиар нэмэгдсэн юм. Германы Холбооны статистикийн газар мөн өдөр мэдэгдэл нийтэлж, Германы импортын худалдаанд Хятадын ач холбогдол тасралтгүй нэмэгдэж байна".

Сүүлийн хэдэн арван жилд Германы импортын хамгийн чухал эх үүсвэрийн жагсаалтад Хятад улс 1980 онд 35-р байрт орж, 1990 онд 14-р байр хүртэл ахисан бол 2015 оноос хойш Хятад улс Германы импортын хамгийн их импортлогч орон болсон байна.

Хятадын Гаалийн ерөнхий газрын тоо баримтаас үзвэл ам.доллароор тооцвол 2021 онд Хятад Германы импорт, экспортын нийт хэмжээ 235.1 тэрбум ам.долларт хүрчээ.