Синьхуа агентлагийн мэдээлснээр 11-р сарын 08-ны өдөр Бээжингийн ухаалаг тээврийн хэрэгслийн үйлдвэрлэлийн инновацийн төвөөс 10-р сарын сүүлчээр Бээжингийн автономит тээврийн хэрэгслийн замын туршилтын нийт миль 2.0055 сая километрт хүрсэн нь  ойролцоогоор дэлхийн бөмбөрцгийг 50 дахин тойрон эргэхтэй тэнцэж байгаа. Эхний 10 сарын туршилтын миль 960 мянган км байсан бөгөөд энэ нь өнгөрсөн бүтэн жилийнхээс 73.8 мянган км гаруй илүү болжээ.
Одоогийн байдлаар Бээжин хотод автономит жолоодлогын туршилтын 200 нээлттэй замтай, нийт урт 699.58 км байж, Бээжингийн эдийн засаг, технологийн хөгжлийн бүс, Хайдиан дүүрэг, Шүнь-И дүүрэг, Фан Шань дүүрэгт тархжээ. Бээжин хот BAIC New Energy, Weilai, Baidu, Daimler зэрэг 14 компанийн 87 тээврийн хэрэгсэлд автономит жолоодлогын замын туршилтын түр дугаарыг олголоо.

"Бээжин дэх автопилотын замын туршилтад хамрагдах хүсэлтэй хүмүүсийн тоо, тээврийн хэрэгслийн тоо, замын туршилтын миль нь тус улсад нэгдүгээрт бичигддэг" гэж Бээжингийн ухаалаг тээврийн хэрэгслийн холбооны салбарын инновацын төвийн ерөнхий менежерийн орлогч Ү Цион хэлэв. Өргөдөл гаргагчдад интернет компаниуд, OEM, газрын зураг үйлдвэрлэгчид багтсан байна. Эдгээрээс Байду, Сяома Жишинг нарын 45 автомашин жолоодлоготой туршилтын шаардлага хангасан байна.