“Сэтгэлийн хээ” зураач М.Ган-Очирын гурав дахь бие даасан үзэсгэлэн. Үзэсгэлэнд 30 орчим бүтээл тавигдах ба монгол үндэсний уламжлалт хээ угалзыг  дүрсэлсэн модерн, абстракт  сонин содон зургууд дэлгэгдэнэ.

М.Ган-Очир нь Дүрслэх урлагийн дээд сургуулийн уран зургийн ангийг 2009 онд төгссөн. Тэрбээр БНСУ, Япон, ХБНГУ-ын уран зургийн үзэсгэлэнд бүтээлээрээ оролцож байсан ба түүний бүтээлээс гадны үзэсгэлэнд тавигддаг.

Зураач М.Ган-Очир “Бармаш”-д хувийн урлантай. Мөн сургалтын төв ажиллуулж хүүхэд багачуудад хичээл заадаг аж.

Зураач М.Ган-Очирын уран бүтээлийн онцлогоос дурдвал Монголын үндэсний хээг орчин үетэй хослуулж хуучин шинэлэг сэтгэлгээний түвшинд туурвидаг юм.