"Бээжингийн ан амьтан хамгаалах менежментийн журам"-ын шинэ хувилбар 06-р сарын 01-нд албан ёсоор хэрэгжиж эхэлнэ. Сурвалжлагч Бээжин хотын Хот тохижилтын товчооны журам нь ан амьтныг хамгаалах, менежментийн ажлыг экологийн соёл иргэншлийн бүтээн байгуулалтын үнэлгээний системд оруулж, жилийн турш агнахыг хориглож, зөрчлийн шийтгэлийг нэмэгдүүлсэн байна.
01-ний үдийн өмнө мандарин нугас, бор шувуу зэрэг 11 улсын хамгаалалтын амьтдыг Бээжингийн Түн Жөү дүүргийн Да Юнхэ ойн цэцэрлэгт хүрээлэнд тавьжээ. Мөн өдөр тохижилт үйлчилгээний газраас зэрлэг ан амьтдыг хамгаалах тухай танилцуулга товхимлыг жуулчдад тарааж, иргэдийг ан амьтанд анхаарал тавихыг уриалав.
Сүүлийн жилүүдэд экологийн орчин сайжирч, улам олон зэрлэг амьтад Бээжин хотын ойр тойронд амьдарч, хамгаалалт, хууль сахиулах үйл ажиллагааг нэмэгдүүлэх нь нэн тэргүүний зорилт болж байна. "БНХАУ-ын зэрлэг амьтдыг хамгаалах тухай хуулийг хэрэгжүүлэх арга хэмжээний тухай" дундаас "Жил бүрийн 03-р сараас 05-р сар, 09-р сараас 11-р сард ан агнахыг хориглох тухай" агуулгыг хасан, Бээжин жилийн турш хориг тавина гэж заасан байна. Ан амьтан агнах, алах тохиодолд агнасан амьтдыг хурааж, торгууль ногдуулна. Төрийн хамгаалалтад байсан зэрлэг амьтдыг агнасан амьтны үнээс 5 дахинаас 20 дахины үнийн хэмжээгээр торгоно. Ан хийх гэж байгаа бол олз олсонгүй байсан ч 5000-20000 юаны торгууль ногдуулна.
Мөн энэхүү журамд ан амьтны худалдаа, ашиглалтыг чандлан хянах, зохиомол үржлийг хатуу хянах холбогдох зохицуулалтыг тусгасан байна. Иргэдийн санаа болж буй амьтдыг эх байгальд нь буцаах тухай асуудалд "Зөвшөөрөлгүй эх байгальд нь буцаах үйл ажиллагаа зохион байгуулахыг хориглоно" гэж заасан байдаг. Зөрчсөн тохиодолд 2000- 10000 юаниар торгууль ногдуулна.
Түүнчлэн журамд экологи, шинжлэх ухаан, нийгмийн чухал ач холбогдолтой хуурай газрын ан амьтдыг хамгаалах хамрах хүрээнд хамруулж, ан амьтдын амьдрах орчныг хамгаалах үйл ажиллагааг бэхжүүлж, амьдрах орчныг хамгаалах чиглэлээр холбогдох менежментийн байгууллагууд эсвэл хариуцсан нэгжүүдийн үүрэг хариуцлагыг анх удаа тодруулсан байна. Бээжин хотын Зэрлэг амьтан хамгаалах газар холбогдох хэлтэстэй хамтарч анхны улсын хэмжээний ан амьтан, амьдрах орчныг хамгаалах төлөвлөгөөг боловсруулж, үүний үндсэн дээр хотын чухал ан амьтдын оршин амьдрах газрын жагсаалтыг гаргав.
