Өнөөдөр буюу 16-ны өдөр Хятад улсын дарга Ши Жиньпин, Ираны Ерөнхийлөгч Лихи нар хоёр орны хооронд дипломат харилцаа тогтоосны 50 жилийн ойг тохиолдуулан харилцан баярын цахилгаан илгээв.

Ши Жиньпин баярын цахилгаандаа "Дипломат харилцаа тогтоосон хагас зууны турш Хятад, Ираны харилцаа тасралтгүй хөгжиж, уламжлалт найрамдал нь цаг хугацааны явцад бэхэжсээр байна. 2016 онд хоёр улсын хооронд иж бүрэн стратегийн түншлэлийн харилцаа тогтоосны дараа хоёр талын улс төрийн харилцан итгэлцэл улам бүр бэхжиж, олон салбарын харилцан ашигтай хамтын ажиллагаа тасралтгүй эрчимжсээр байгаа аж. Цар тахал дэгдсэний дараа Хятад, Иран хоёр орон хамтран ажиллан, бие биедээ харилцан туслалцаж, тахлын эсрэг тэмцэх хамтын ажиллагааны түүхийг бичжээ. Миний бие Хятад, Ираны харилцааны хөгжилд маш их ач холбогдол өгч, хоёр улсын хооронд дипломат харилцаа тогтоосны 50 жилийн ойг тохиолдуулан, уламжлалт найрамдлыг гүнзгийрүүлж, бүх салбарын хамтын ажиллагааг улам ахиулж, Хятад, Ираны иж бүрэн стратегийн түншлэлийн харилцааг улам баяжуулж, хоёр орон, ард түмэнд ашиг тусын төлөө ерөнхийлөгч Лихитэй хамтран ажиллахад бэлэн байна" гэлээ.

Лихи "Иран, Хятад нь эртний соёл иргэншилтэй орон бөгөөд хоёр орны найрамдал нь өнө эртний мөнхийн модтой адил, олон мянган жилийн нөхөрсөг харилцаанаас тэжээл авч, Иран, Хятадын иж бүрэн стратегийн түншлэлийн харилцааны хөгжлийн өсөн нэмэгдэж буй суурийг тавьсан юм. Ираны тал Иран, Хятадын илүү найрсаг харилцааг бий болгох шийдвэртээ тууштай байна. Хоёр орны харилцаа зургаадугаар арван жилд орж ирмэгц Иран Хятадтай стратегийн хамтын ажиллагааны түвшинг үргэлжлүүлэн дээшлүүлж, олон салбарын ажил хэрэгч хамтын ажиллагааг өргөжүүлэх талаар харилцаа холбоогоо бэхжүүлж, Иран, Хятадын харилцааг тасралтгүй гүнзгийрүүлэхэд бэлэн байна" гэжээ.