Хятадын олон улсын импортын 4-р экспо өнөөдөр буюу 11-р сарын 05-ны өдөр Шанхай хотод нээгдлээ. Энэ жил эмнэлгийн тоног төхөөрөмж, эм, эрүүл мэндийн үзэсгэлэнгийн талбай нь мөн л олон хил дамнасан анагаах ухааны технологийн компаниудыг үзэсгэлэнд оролцуулав. Тус тусгай сэдэвт үзэсгэлэнд 33 гаруй улс орон, бүс нутгийн 350 гаруй аж ахуйн нэгжийг татсан бөгөөд дэлгэсэн шинэ бүтээгдэхүүн, шинэ технологийн бүтээгдэхүүний хэмжээ нь өмнөх гурван удаагийн экспоноос давсан байна.