2022 оны 01-р сараас 05-р сар хүртэл Хятад-Вьетнамын хил дамнасан галт тэрэг нийт 140 галт тэргийг аялж, 4176 TEU чингэлэг тээвэрлэж, өнгөрсөн оныхоос 20.7 хувь ба 26.5 хувиар тус тус нэмэгдсэнийг Хятадын төмөр замын Наннин товчоо групп ХК-иас мэдээлэв.
Мэдээлэлд дурдсанаар энэ он гарснаас хойш Гуанши төмөр замын хил дамнасан тээврийн ажил эрчимтэй хөгжиж, хил дамнасан ачаа тээвэрлэлтийн цар хүрээ үргэлжлэн өргөжиж, экспортын бараа бүтээгдэхүүнд голчлон машин техник, тоног төхөөрөмж, бордоо, генератор болон электрон бүтээгдэхүүн зэрэг багтаж, АСЕАН-ы орнуудын дунд "Хятадын үйлдвэрлэл" нь улам бүр түгээмэл болж байна. Импортын бараа бүтээгдэхүүнд жимс жимсгэнэ, хувцас зэрэг голчлон орж, үүнээс 30 мянга шахам тонн хил дамнасан хүйтэн гинжин бараа илгээсэн нь өмнөх оны мөн үеийнхээс 107.2 хувиар өсч мэдэгдэхүйц өссөн байна.
Хятадын Төмөр замын Наннин товчоо групп ХК-ийн Наннин ачаа тээврийн төвийн маркетингийн газрын дарга Чэнь Жычун танилцуулахдаа, Хятад-Вьетнамын хил дамнасан галт тэрэгний тээврийн аюулгүй байдлыг хангахын тулд төмөр замын хэлтэс "Барааны хамгаалалт” болон "Иргэний хамгаалалт"-ыг чангатгаж, ачааны талбай дахь импортын барааны ангилал, хуваагдал, зэрэглэл, цагийн ангилал, нэвтрэх замын ангиллыг контактгүй удирдаж, үүний зэрэгцээ хил дамнасан ачааны нэгдүгээр эгнээний галт тэрэгний ариутгал халдваргүйжүүлэлтийн төхөөрөмжөөр галт тэрэг тус бүрийг бүрэн халдваргүйжүүлж байна. Ачааны талбайд бараа ирсний дараагаар хил дамнасан ачааны бодит тоогоор гар аргаар хоёрдогч халдваргүйжүүлэлт хийдэг юм.
Одоогийн байдлаар Гуанши Хятад-Вьетнамын хил дамнасан галт тэргээр тээвэрлэж буй бараа бүтээгдэхүүн нь электрон бүтээгдэхүүн, хятад эмийн материал, жимс жимсгэнэ, механик тоног төхөөрөмж гэх мэт 200 гаруй төрлийн бараа бүтээгдэхүүн болон хөгжиж байна. Төмөр замын салбар халдварт өвчний үед тээвэрлэлтийн сувгийг саадгүй болгож, Хятадын аж ахуйн нэгжүүдэд АСЕАН-ы зах зээлийг гүнзгийрүүлэхэд тусалж, аж үйлдвэрийн гинжин хэлхээ, нийлүүлэлтийн гинжин хэлхээний тогтвортой байдлыг ахиулахад бүх хүчээ зориулах юм.
