Зарим эцэг, эхчүүдийг анзаараад байхад хүүхдийнхээ өмнүүр орж, ажлыг нь хийсээр хожим амаа барих нь цөөнгүй. Налайж суух насан дээрээ хүүхдүүдийнхээ зарц мэт үйлчилсээр үглээд ч нэмэргүй оройтох вий. Иймд та бүхэндээ хүүхдээ хэрхэн багаас нь хэрхэн тохирсон ажилд сургаж, ажилсаг хичээнгүй, нямбай болгон төлөвшүүлэх тухай хэрэгтэй мэдээллийг хүргэе.

                                                                                2-3 нас
Гал тогооны алчуурыг аль болох цэмцгэр байлгах хэрэгтэй. Учир нь хүүхэд бохир алчууранд хүрснээр өвчин тусах магадлалтай. Мөн хүүхдээ хоол идсэнийх нь дараа аяга тавгийг өөрөөр нь хураалгаж сургаарай.

                                                                                 4-5 нас
  Энэ үед та аяга таваг угаагч порлоныг тогтмол сольж, цэвэрхэн байлгах хэрэгтэй. Мөн  тоос сорогч хэрэглэх нь зөв юм.

6-7 нас

Энэ үед та хүүхдээ хоолоо идсэнийх нь дараа ширээ цэвэрлүүлж хэвшүүлээрэй. Ингэснээр таны хүүхэд бага багаар биеэ дааж, ажилд сурамгай болох юм. Мөн төмс ногоо арилгуулж болно.

8-9 нас

   Хүүхэд 8-9 настай болоход гэрийн ажилд туслах, аливааг хийхдээ илүү шаламгай сайн болсон байдаг. Тиймээс та хүүхдээрээ хөргөгч цэвэрлүүлэх, дэлгүүрээс жижиг хүнс авахуулах, цай, кофе, жүүс зэргийг аяганд хийж бэлдүүлээрэй.

10-11 нас

Харин 11-2 настай хүүхдийн хувьд тэд хоол хийх, хөнгөн зууш бэлтгэх гээд бүхий л зүйлсэд тусалж эхэлнэ. Тиймээс энэ үеэс та хүүхдээ аль болох олон ажлыг хийж сургах нь зүйтэй.

12-оос дээш нас

12 болон түүнээс дээш насны хүүхдээр бие даан хоол хийлгүүлэх, хувцсыг нь өөрөөр нь угаалгаж хэвшүүлээрэй. Ингэснээр таны хүүхэд ирээдүйд ажилсаг, хичээнгүй болж хүмүүжих болно.