Хятадын “Дөрвөн их хатгамал” гэгдэх Сүжөү, Цэндэ, Гуанжөү, Цанша зэрэг газрын хатгамалчид болон Хятадын үндэстний цөөнхүүдийн хатгамлын 300 гаруй мэргэжилтэн нэг дор цугларч, хатгамлын өв соёлыг олон нийтэд танилцуулж, цаашид уламжлалаа хэрхэн хадгалж, шинэчлэн хөгжүүлэх тухайд санал бодлоо солилцож байна.

Хурлыг Хятадын нэхмэлийн үйлдвэрлэлийн холбоо, ХКН-ын Хянган аймгийн хороо, Хянган аймгийн захиргаа, Бээжингийн хувцас дизайны дээд сургууль хамтран зохион байгуулж буй. Энэ үеэр Хятадын гар хийцийн хатгамлын амжилт ололтын үзэсгэлэн, хатгамлаар урласан хувцас загварын үзэсгэлэн, сургалт-форум, хатгамалтай хувцасны шоу зэрэг баялаг агуулгатай арга хэмжээ зохиогдох юм байна.