Хятадын Чунцин Байжүси Хөх мөрний гүүрийг 01-р сарын 24-ний өдрийн 00:00 цагт албан ёсоор нээж, "Гүүрийн  нийслэл" Чунцин хот Хөх мөрний дээгүүр дахин нэг гүүр нэмж, иргэд зорчиход таатай нөхцөл бүрдүүлэв. Байжүси Хөх мөрний гүүрний нийт урт нь 1384 метр, гол дамжлага нь 660 метр бөгөөд дэлхийн хамгийн том дамжлагатай, хоёр зориулалттай ган төмөр тростой гүүр юм. Хоёр гол цамхгийн өндөр нь 236 метр бол энэ нь 84 давхар өндөр байшинтай тэнцэнэ. Мөн Чунциний төв хотын хамгийн өндөр гүүрэн цамхаг юм.

Байжүси Хөх мөрний гүүр нь усны дусал хэлбэртэй цамхаг мэт шинэлэг, өвөрмөц хэлбэртэй гэдгийг энд дурдах нь зүйтэй. Байжүси Хөх мөрний гүүрний ерөнхий зохион бүтээгч, Чунцин дизайн групп хотын захиргаа корпорацын орлогч ерөнхий инженер (Гүүрийн мэргэжлийн ерөнхий инженер) Ду Чүньлинь "Байжүси Хөх мөрний гүүрний "хэлний" элемент нь усны дусал юм. Хоёр голоор хүрээлэгдсэн Чунцин нь устай учир цэцэглэн хөгжиж, үзэсгэлэнтэй байдаг. Чунчин буюу Жянжөү, Юйжөү гэгддэг Чунцин нь устай холбоотой. Ус бол Чунцин хотын сүнс гэж хэлж болно".