Шведийн Каролин эмнэлгийн сургууль 07-нд Биологийн болон анагаах ухааны 2019 оны Нобелийн шагналыг Америкийн эрдэмтэн Уильям Каэлин, Грегг Саменза болон Ангийн эрдэмтэн Петер Ратклиффед олгож, тэдний “эс хэрхэн хүчилтөрөгчийн хангалтыг мэдрэх, дасан зохицохыг илрүүлсэн”-ийг нь сайшаана гэжээ.

Шагнал олгох хорооны хэлснээр, амьтан хүчилтөрөгч шаардаж байж хүнсийг хэрэгцээ бүхий энерги болгож чаддаг, хүмүүс хүчилтөрөгчийн үндсэн чухал үүргийг таньж мэдээд хэдэн зуун жил болж байна. Гэтэл эс хүчилтөрөгчийн түвшний өөрчлөлтөд хэрхэн дасан зохицох талаар урт удаан хугацаанд таньж мэдээгүй байсан юм. Энэ онд шагнал олсон тус гурван эрдэмтэд “Эс тасралтгүй өөрчлөгдөж буй хүчилтөрөгчийн хангалтыг хэрхэн мэдрэх, дасан зохицох”-ыг илрүүлж, түүнчлэн “генийн уян хатан шинж чанарыг зохицуулахаар дамжин өөр өөр хүчилтөрөгчийн түвшин бүхий молекулын тогтолцоонд зохицох”-ыг тодруулсан байна. Тэдний нээлтийн чанартай судалгааны үр бүтэмж нь “биологи дахь хамгийн үндсэн дасан зохицох шинж чанарын үйл явцын тогтолцоог илрүүлж”, бид хүчилтөрөгчийн түвшин хэрхэн эсийн шинэ хуучны халаа сэлгээ болон биологийн чадварт нөлөөлдгийг таньж мэдэхэд үндэс суурь тавьж өгсөн байна гэж тэмдэглэжээ.

Шагнал олгох хороо мөн, энэ оны шагналын үр бүтэмж нь хүн төрөлхтөн “цус дутагдах, хорт хавдар болон бусад маш олон өвчин эмгэгтэй тэмцэх шинэ арга олоход зам тавьж өгсөн” юм гэж онцолжээ.