Бид баяр баясгалан, аз жаргал, уур хилэн, айдас, уйтгар гуниг зэрэг сэтгэл хөдлөлийг мэдрэх бөгөөд эдгээр сэтгэл хөдлөлүүд нь эерэг сэтгэл хөдлөл, сөрөг сэтгэл хөдлөлийг нэгтгэн дүгнэж болно. Хэрвээ сөрөг сэтгэл хөдлөл нь цаг хугацаа алдалгүй байвал удаан хугацааны дарамт нь биеийн өвчний шинж тэмдэг, сэтгэл зүйн асуудал үүсгэх магадлалтай. Тэгвэл хүмүүс сэтгэл хөдлөлөө зохицуулж, бэрхшээл, сорилтыг даван туулах сайн хандлагатай байх ёстой юм байна.

Дараах товч аргууд нь таныг сөрөг сэтгэл хөдлөлөөс зайлсхийлгэж чадна гэдэгт итгэж байна.

1. Ярьж гаргах арга: Гэр бүл, ангийнхан, хамтран ажиллагсад, хамгийн найдвартай найз нөхдөдөө гомдол, сэтгэлийн дарамт, уур хилэн зэрэг сөрөг сэтгэл хөдлөлөө ярьж сураарай.

2. Шилжүүлэх арга: Хэрэв та сэтгэлийн гашуун нөхцөл байдалд байвал анхаарлаа өөрийн сонирхолтой зүйл уруу хандуулах хэрэгтэй. Жишээ нь гадуур алхах, кино үзэх, телевиз үзэх, унших, тоглох, шатар тоглох, найз нөхөдтэйгөө ярилцах, орчноо өөрчилснөөр таны сэтгэл хөдлөлийг тайвшруулж,  аз жаргалыг мэдрэх болно.

3. Нүүрний илэрхийллийг тохируулах арга: Хэрэв та аз жаргалтай бус байвал толины өмнө өөрийгөө инээлгэхийг оролдож үзээрэй. Өөрийгөө инээлгэж инээснээр өөрийгөө маш хөөрхөн гэдгийг мэдэрч, энэ агшинд сөрөг сэтгэл хөдлөл танаас зугтах болно.

4. Амьсгалаа тохируулах арга: Хэрэв та өөрийгөө аз жаргалтай гэж бодохгүй байгаа бол нүдээ анин, гүнзгий амьсгаа аваад дараа нь аажим аажмаар амьсгалаа гаргана. Дахин давтан хийгээрэй. Амьсгал тогтворжиж, бүх  бие тайвширч байгааг мэдэрнэ.

5. Уйлж үзээрэй: Маш их шархалсан, гунигтай байхдаа нэг сайн уйлаад үзээрэй. Уйлах нь хуримтлагдсан сөрөг сэтгэл хөдлөлөөс ангижруулж, сэтгэл зүйн тэнцвэрийг зохицуулж чадна.

6. Сэтгэл уужиртал инээнэ. Инээмсэглэл болон хурдтай гүйлт нь сэтгэл хөдлөлийг дэмждэг. Таны бие махбод дахь стрессийн түвшинг бууруулж, булчингаа амрааж, илүү их сэтгэл хангалуун бодисыг чөлөөлж, илүү сайн мэдрэмж төрүүлдэг.

7. Материаллаг зүйлээр уур хилэнгээ гаргана. Та гомдол, уур уцаартай байвал хувцасны шүүгээ, шургуулга болон илүүдэл эд зүйлээ цэвэрлэх, хуримтлагдсан хогийг хаяснаар таны сэтгэл хөдлөлийг илүү сайн болгоно. Үүнээс гадна хөнжил, дэр, эсвэл Тедди баавгайн хүүхэлдэй зэргийг хүчтэй цохих буюу дээш нь өргөж шиднэ, энэ нь таны сэтгэл санааг тайвшруулна.

8. Илүү их хөдөлгөөн хий. Ядарсан, сэтгэлээр унасан үедээ орондоо бүү хэвтээд бай. Олон хүмүүс сэтгэлийн зовлонгоосоо гарсны дараа хөдөлгөөн хийнэ гэж боддог. Үнэндээ сэтгэл санаа сайхан байх нь дасгал сургуулилт хийж байх үед бий болдог. Итгэхгүй бол гэрээсээ гараад алхаж үзээрэй. Дараа нь таны оюун ухаан илүү идэвхтэй байгааг мэдрэх болно. Энэ нь танд туслан сөрөг сэтгэл хөдлөлөөс гаргах юм.

9. Өөрийгөө тайвшруулж, урамшуулах: Хэрэв та зорилгодоо хүрч чадахгүй байгаа бол таны сэтгэлийн гунигт байдлыг багасгахын тулд өөрийгөө тайвшруулах шалтгааныг олж болно. Та саад бэрхшээлийг даван туулахын тулд философи эсвэл алдартай үгсийг ашиглахыг зөвлөж байна.

10. Хошин аргыг хэрэглэнэ: Хошин аргыг хэрэглэн өөрийг тань гуниглуулж байгаа зүйлийг мэдэж болно. Энэ нь таны сэтгэлийн таагүй мэдрэмжийг арилгадаг. Хошигнолыг хөгжүүлэх олон арга бий. Жишээ нь хошин ном, видео бичлэгийг сонирхох, хошин хүмүүстэй уулзаж болно.

11. Хөдөө гарах: Байгалийн хачин гайхалтай уул, ус нь хүмүүсийн зүрх сэтгэлийг цочирдуулдаг. Ууланд авирахдаа та зүрх сэтгэлээ нээж, хараа сунган эх байгалийг мэдрэн баясах тэр мөчид бүх муу муухай зүйл арилан одох болно. Тиймээс, та сэтгэл түгшсэн, санаа зовсон, сэтгэлээр унасан үедээ ажлаасаа салж, байгальтай холбогдохыг зөвлөж байна.