“Шинэ хотын хөгжил ба хуучин хотын засвар” уриан дор Нийслэлийн хөгжлийн дээд хэмжээний 2-р форум 16-нд Бээжин хотноо зохиогдлоо. Хятад, Америк, Япон, Их Британи зэрэг олон орны мэргэжилтнүүд дэлхийн улс орнуудын нийслэлийн засаглалын тухай судлан ярилцжээ.

Хот байгуулагдаад 3000 гаруй жил, нийслэл болоод 800 гаруй жилийн нүүр үзсэн Бээжин хот дэлхийн хамгийн олон соёлын өвтэй хотын нэгэн билээ. Энэ тухай Хятадын Хот төлөвлөлт, зураг төслийн хүрээлэнгийн орлогч дарга Ван Кай: Түүх соёлоор нэртэй “Бээжин хотыг” байгуулах явцад хотыг засаглах үзэл баримтлалд цоо шинэ өөрчлөлт гарсан гэжээ.