Хурцбилиг гуай энэ жил 35 настай. Өвөр Монголын Улаанхад хотын Баарин зүүн хошууны Цагаан хад сумын уугуул. Багаасаа моринд дуртай тэрээр 20 жилийн өмнө ганц морьтой байсан бол одоо 100 гаруй агттай болсон аж. Тэрээр бүх цаг заваа морь уяхад зарцуулдаг. Энэ нь түүний өрхийн орлогыг нэмэгдүүлдэг байна.

Энэ оны гуравдугаар сард сумандаа “Ажнай хүлэг” жуулчны бааз байгуулж, жуулчдыг гүү саах, морь унах, морь тамгалах, дэл хайчлах зэрэг адууны соёлтой танилцуулдаг болжээ.