Жил бүрийн зургаан сарын нэгнээс эхлэн Өвөр Монголын Улаанхад хотын Ар Хорчин хошууны Баян-Өндөр сумын 3000 малчин айл хэдэн зуун мянган хонь үхрээ туун, Хавцал, Гурвандаваа, Дунд-Ус гэх гурван замаар зусландаа гарч эхэлдэг. Энэхүү сүр далайцтай өнгө үзэмж нь Өвөр Монголын тал нутагт ч маш ховор үзэгдэж, нүүдлийн мал аж ахуйн ёс заншлаа бүрэн гүйцэд хадгалж байгаагаараа 2014 оны 05 сард “Хятадын хөдөө аж ахуйн соёлын чухал өв хөрөнгө”-д бүртгэгдсэн байна.