Хятадын цахилгаан сүлжээний үндэсний газраас редакторлосон "Цахилгаан хүчний шинэ систем ба эрчим хүчний шинэ систем" ном саяхан хэвлэгдлээ. Тус номд эрчим хүчний системийн шинэ салбаруудыг хөгжүүлэх нь эрчим хүчний салбар болон зах зээлийн цар хүрээг тасралтгүй өргөжүүлэхэд түлхэц болно. 2020 оноос 2060 он хүртэл Хятад улсын эрчим хүчний салбарын хөрөнгө оруулалтын хэмжээ 100 их наяд юаниас давж, эрчим хүчний хуримтлал, нэгдсэн эрчим хүч, эрчим хүчний интернет зэрэг салбарын цар хүрээ их наяд юанийн түвшинд хүрэх төлөвтэй байна гэж тэмдэглэжээ.
Энэхүү номд шинэ эрчим хүчний систем нь нүүрстөрөгчийн оргил үе, нүүрстөрөгчийн саармаг байдалд хүрэхийг дэмжих чухал индэр юм. Эрчим хүч бол улс ардын эдийн засгийн хөгжлийн амин сүнс бөгөөд эрчим хүчний үйл ажиллагаа нь Хятад улсын нүүрстөрөгчийн давхар ислийг ялгаруулах гол эх үүсвэр юм. 2020 онд Хятад улсын эрчим хүчний шаталтаас үүдэлтэй нүүрсхүчлийн давхар ислийн ялгаруулалт ойролцоогоор 10.2 тэрбум тонн буюу нийгмийн нийт ялгарлын 87 орчим хувийг эзэлсэн байна. Үүний дотор эрчим хүчний салбар нь эрчим хүчний үйл ажиллагаанаас ялгаруулах нийт нүүрстөрөгчийн давхар ислийн 41 орчим хувийг эзэлжээ.
Цахилгаан сүлжээний үндэсний газрын Шин Бао-ань хэлэхдээ "Хятадын сэргээгдэх эрчим хүчний нөөц элбэгтэй бөгөөд өнөөг хүртэл нөхөн сэргээгдэх эрчим хүч нь технологид ашиглах нөөцийн аравны нэг хувьд ч хүрэхгүй байна. Сэргээгдэх эрчим хүчийг хөгжүүлэх нь чулуужсан эрчим хүчний нөөцийн хомсдолыг даван туулах, үндэсний эрчим хүчний өөрийгөө хангах чадавхыг сайжруулах шаардлагатай арга зам юм. Түүнчлэн эрчим хүчний шинэ систем байгуулах нь Хятадын эрчим хүчний нөөцийн чадавхад тулгуурлан, ирээдүйд эрчим хүчний аюулгүй байдалд илүү анхаарсан эрчим хүчний систем рүү шилжих зайлшгүй сонголт юм" гэжээ.
