Хятад-АСЕАН-ын экспо болон 15 дахь удаагийн Хятад-АСЕАН-ын худалдаа, хөрөнгө оруулалтын дээд хэмжээний уулзалт 09-р сарын 12-ны үдээс өмнө 15 дахь удаагийн Хятадын Гуанси мужийн Наньнин хотноо нээлтээ хийсэн байна. 2018 онд Хятад улс болон АСЕАН-ын орнуудтай стратегийн дипломат харилцаа байгуулсны 15 жилийн ой, АСЕАН-ын экспо, худалдаа, хөрөнгө оруулалтын дээд хэмжээний уулзалтыг зохион байгуулсны 15 жилийн ой тохиож байгаа юм. Мөн Хятад-АСЕАН-ын орнуудын шинийг хайсан жил болно. Түүнчлэн Хятад улсын шинэчлэл өөрчлөлтийн 40 жилийн ой, Гуанси мужийн өөртөө засах орон байгуулагдсаны 60 жилийн ой тохиож байгаа аж.
15 дахь удаагийн АСЕАН-ын экспо нь “21-р зууны далайн торгоны замыг хамтдаа байгуулж, Хятад-АСЕАН-ын Инновацийн нийгэмлэгийг бий болгох” гол сэдвийн дор болж буйд Хятад-АСЕАН-ын олон орнуудын удирдах хүмүүс дээд хэмжээнд чухалчилсан байна.
Үзэсгэлэн, форум зохион байгуулах зэрэг арга хэлбэрээр эдийн засаг худалдаа, шинийг санаачлах, хамтран ажиллах, олон улсын аж үйлдвэрийн хүчин чадал зэрэг салбарт хамтран ажиллахыг гүнзгийрүүлж, Хятад-АСЕАН-ын орнуудтай тал бүрээр ажил хэрэгч хамтран ажиллахыг шинэ түвшинд хүргэх болно.
Шинийг санаачлах, хамтран ажиллах нь энэ удаагийн АСЕАН-ын экспогийн нэгэн онцлог болно. 12-ноос 15-ны өдрүүдэд зохион байгуулагдах юм.
АСЕАН-ны экспо нь Хятад улсын гадаад худалдаатай харилцан ойлголцож хамтран ажиллах чухал тавцан болж байна. Мөн удаагийн экспо нь гадаад дотоодын брэнд аж ахуйн нэгжүүдийн анхааралд орж, Камбож, Лаос, Малайз, Мьянмар, Вьетнам, Индонез, Филиппин, Тайланд зэрэг улс орнууд энэ удаагийн экспод тусгай үзэсгэлэнгийн орд гаргасан байна. Камбож бол мөн экспоны гол сэдэвт улс мөн.
Энэ удаагийн экспод 2780 ширхэг аж ахуйн нэгж үзэсгэлэнд оролцсон нь өнгөрсөн жилээс 2.6 хувиар нэмэгдэж, хөрөнгө оруулалтын худалдааны баг 112, өнгөрсөн оноос 15 хувиар нэмэгдэсн байна. Үүнчлэн мэргэжлийн худалдаачин наймаачин 11 мянган хүнийг давж, өнгөрсөн жилээс 10 хувиар нэмэгдэжээ.
Мөн экспоны үеэр Хятад-АСЕАН-ын орнуудын удирдлагууд хамтдаа нөхөрлөлийн мод суулгах, 15 жилийн ойг тэмдэглэх зургийн үзэсгэлэн, 15 жилийн ойн эдийн засаг худалдааны үр дүнгийн үзэсгэлн зэрэг арга хэмжээ зохион байгуулах болно.
Экспоны үеэр “Бүс ба зам”-ыг бүтээн байгуулах зэрэг сэдвийн эргэн тойронд дээд хэмжээний форум 35-ыг зохион байгуулахаас 23 форум нь хурлын хугацаанд зохион байгуулагдах юм.
АСЕАН-ын экспог 171 хэвлэл мэдээллийн 1570 сэтгүүлч оролцон мэдээлсэн бол АСЕАН-ын орнууд болон түүнээс бусад улс орны 60 хэвлэл мэдээллийн хэрэгслийн 116 сэтгүүлч мэдээлжээ.
