Хангалттай, өндөр чанартай цайны хангамж нь хэрэглээний зах зээлийн тогтвортой өсөлтөд хүчтэй дэмжлэг үзүүлж төрөл бүрийн шинэ хэлбэр, загварууд нь энэ салбарт шинэ онцлох үйл явдлуудыг нэмсэн. Бодлогын удирдлага, зах зээлийн жолоодлогыг түргэтгэж, цайны үйлдвэрлэлийг чанартай хөгжүүлэхэд түлхэц өгөх хэрэгтэй.

Цайны хэрэглээ нь шинэчлэлийг хурдасгадаг

Цайны бүтээгдэхүүний хэрэглээний хэрэгцээ, давуу тал нь илүү хувийн шинж чанартай болж, төрөлжиж байна.

Хэбэй мужийн Шыжиажуан хотын Юйхуа дүүрэгт амьдардаг цайнд дуртай 1980-аад оноос хойших үеийн  нэгэн залуу Чэнь Фэй хэлэхдээ, цайг уухыг улирал болгон хуваах хэрэгтэй. Би хавар ногоон цай, зундаа Үүлүн цай, Тегуаньин цай, намар Пүэр цай, хар цайнд дуртай. Нэг аяга дуртай цайгаа амтлахад ам, уруул, шүд минь цайны үнэр анхилуун үнэртэж байдаг гэжээ. Тэрээр цайны амт, үйл ажиллагааг үнэлдэг тул янз бүрийн улиралд өөр өөр төрлийн цай худалдаж аваад аажмаар амтлах болно.

Цай бол үндэсний ундаа, цай болон холбогдох бүтээгдэхүүн нь хүмүүсийн өдөр тутмын хэрэглээний чухал ангилал юм. Хятадын Цайны эргэлтийн нийгэмлэгээс гаргасан "Хятадын цайны хэрэглээний зах зээлийн тайлан"-д 2020 онд цайны дотоодын борлуулалт 2.2016 сая тонн байж, 8.69 хувиар нэмэгдэж, нийт борлуулалт 288,884 тэрбум юань болж 5.45 хувиар нэмэгджээ. 2021 онд гол үйлдвэрлэлийн бүсүүдийн цайны худалдаа тогтвортой болж, цайны хэрэглээ илүү хурдан сэргэж, бүх Хятадын хэмжээнд цайны дотоод борлуулалт 2.3 сая тонныг давж, дотоодын нийт борлуулалт 300 тэрбум юаньд хүрсэн юм.

Хэрэглэгчийн бүлэг залуужиж байна. Залуу хүмүүсийн цайны бүтээгдэхүүний хэрэглээний хэрэгцээ, сонирхол нь илүү хувийн шинж чанартай, төрөлжсөн бөгөөд аажмаар цайны бүтээгдэхүүний хэрэглээний гол урсгал болж байна.

Цайны бүтээгдэхүүнийг төрөлжүүлэх. Сүүлийн жилүүдэд уламжлалт ногоон цай, хар цай, Үүлүнг цай тогтвортой байж, цагаан цай, шар цай, ургамлын гаралтай цай зэрэг жижиг цайны төрөл хурдацтай хөгжиж, мөн бүтээгдэхүүн үйлчилгээ хурдацтай хөгжиж байна. Пинь Дуду /Цахим худалдаа/ платформын мэдээллээс үзэхэд цайны бүтээгдэхүүний хэрэглээ төрөлжсөн, загварлаг, тав тухтай байх хандлагатай байгааг харуулж , төрөл бүрийн жимсний амттай цай, ууттай цайны борлуулалтын хэмжээ жилд дунджаар 120 хувийн өсөлттэй байна.

Өндөр чанартай бүтээгдэхүүнийг урьж байна. Хэрэглэгчид цайны брэндийг илүү үнэлдэг бөгөөд илүү чанартай цайны төлөө мөнгө төлөхөд бэлэн байдаг. Хятадын ханган нийлүүлэлт, маркетингийн хоршооны Ханжөүгийн цайны судалгааны хүрээлэнгийн судлаач Ян Шюфан хэлэхдээ, чанар бол тухайн аж ахуйн нэгж, брэндийн өрсөлдөх чадвар юм. Цаашид илүү олон цайны компаниуд хэрэглэгчийн зах зээл, хэрэглэгчдийн бүлэгт анхаарлаа хандуулж, ангилсан хангамж, ангилсан удирдамжаар хангаж, цайны үйлдвэрлэл, борлуулалтыг үр дүнтэй холбож, үйлдвэрлэлийн үр ашиг, цайны тариаланчдыг баяжихад түлхэц үзүүлнэ гэж хэрэглэгчдийн байр сууриас найдаж байна гэжээ.

Бүтээгдэхүүний хэлбэрийн тасралтгүй шинэчлэл

Цайны үйлдвэрлэл тогтвортой хөгжихийн хэрээр хангалттай, өндөр чанартай цайны нийлүүлэлт нь хэрэглээний зах зээлийн тогтвортой өсөлтөд хүчтэй дэмжлэг үзүүлсээр байгаа бөгөөд төрөл бүрийн шинэ хэлбэр, загварууд нь энэ салбарт шинэ онцлох үйл явдлууд болон өсөлтийн шинэ цэгүүдийг нэмсэн.

- “Цай, аялал жуулчлал, соёл”-ыг нэгтгэснээр хөгжлийн шинэ гарц нээгдэнэ

Хүнань мужийн Иян хотын Аньхуа шяний Шяоянь багийн Бай Шаши хар цайны соёлын аж үйлдвэрийн цэцэрлэгт хүрээлэнд ороход, орчин үеийн цай үйлдвэрлэх 4 цехийн дэргэдэх Бай Шаши хар цайны музей, Хар цайны хүмүүнлэгийн рельеф зэрэг барилгууд онцгой анхаарал татдаг. Энэ нь Хүнань мужийн ханган нийлүүлэлт, маркетингийн хоршооны шууд харьяа Хүнань цай үйлдвэрлэлийн группийн үндэсний аялал жуулчлалын газруудын стандартын дагуу байгуулсан Хятадын анхны "Цай, аялал жуулчлалын нэгдсэн" хар цайны үйлдвэрийн парк байж, судалгаа, практикаас соёлын солилцоо, аялал жуулчлал зэрэг бүх талаас нь цайны соёл, цайны үйлдвэрлэлийг харуулж байна.

Гуандүн мужийн Дүнгуан хотын оршин суугч Ван Шиньюэ:

- Цай уух нь уур амьсгалыг анхаарах ёстой. Амралын  үеэр би Дунгуан дахь Гуаньинь уулын орой дээр гарч, Жюй Юаньтангийн эрүүл мэндийн цайны газарт цайны соёлыг мэдрэх дуртай. Нэг талаараа ногоон гоё үзэмжийг харж, нөгөө талаараа цай амталж, ийм мэдрэмж нь гэртээ цай уухтай шал өөр юм гэжээ.

Хятадын Цайны эргэлтийн нийгэмлэгийн дарга Мэй Юй хэлэхдээ "Интерактив туршлага дээр суурилсан цайны хэрэглээ гол чиг хандлага болж байна. Цайны хэрэглээний хувилбаруудыг бүтээх ажлыг сайн хийж, эрүүл мэнд, соёлын утга санааг анхаарч, хэсэгчилсэн хувилбаруудыг бий болгож, хэсэгчилсэн бүтээгдэхүүн гаргах, туршлага, шимтэх хэрэглээний чиг хандлагыг бий болгоход чиглүүлж, хэрэглээний туршлагыг шинэчлэн сайжруулах шаардлагатай байж, цайны соёлын солилцоо, харилцан үйлчлэл, өрсөлдөөний шинэ хүчийг бий болгох хэрэгтэй" гэжээ.

Аж үйлдвэрийг өндөр чанартайгаар хөгжүүлэх

Орчин үеийн цайны үйлдвэрлэлийн хөгжлийг түргэтгэж, цайны үйлдвэрлэлийн удирдлагын тогтолцоог боловсронгуй болгож, цайны брэндийг дэлхийн хэмжээнд хүргэнэ.

Жянши мужийн Наньчан хотын Тяньшань цайны дэлгүүрийн дарга Ү Хайчин:

- Өмнө нь бид голчлон дэлгүүрт үйл ажиллагаа явуулж, үйлчлүүлэгчдийг үүдэнд ирэхийг хүлээдэг байсан. Одоо шууд дамжуулалт зэрэг арга замаар борлуулалтын сувгаа улам өргөжүүлж байна гэжээ.

Тяньшань цайны дэлгүүр нь Наньчан хотын Чинюньпү дүүргийн цайны бүтээгдэхүүн түгээх төв болох Лундин цайны хотод байрладаг бөгөөд 2010 онд зах зээлд нэвтэрсэн анхны цайны дэлгүүрүүдийн нэг юм. Одоогийн байдлаар Лундин цайны хот нь  Жянши мужид цай, цайны багц, цай бэлэглэх, цайны савлагаа, цайны соёлын  худалдааны түгээлтийн төв хэлбэрээр байгуулагдаж, 80 мянга гаруй метр квадрат талбайтай 300 гаруй цайны бөөний болон жижиглэнгийн худалдаачидтай юм.

Хятадын Цайны нийгэмлэгийн тооцоогоор, 2020 онд Хятадад цайны онлайн худалдааны нийт хэмжээ 28 тэрбум юаньд хүрч, өнгөрсөн оны мөн үеийнхээс 15.23 хувиар өсчээ. 2021 онд Хятадын хэмжээнд цайны онлайн гүйлгээний нийт хэмжээ өссөөр байна.

Брэндийг бий болгож, өрсөлдөх чадварыг нэмэгдүүлэх

Орон нутгийн засаг захиргаа бүс нутгийн тэргүүний аж ахуйн нэгж, бүс нутгийн брэндийг хөгжүүлж, орчин үеийн цайны үйлдвэрлэлийн хөгжлийг түргэтгэж, орон нутгийн цайны үйлдвэрлэлийн удирдлагын тогтолцоог боловсронгуй болгож, тэргүүлэгч аж ахуйн нэгжүүдийг хөгжүүлэх ба брэндийг хөгжүүлэхэд нь дэмжлэг үзүүлж, орон нутгийн цайны брэндийг дэлхийн хэмжээнд хүргэх ёстой.

Үйлдвэрлэл, борлуулалтын аж ахуйн нэгжүүд маркетинг, брэнд үйлчилгээнд анхаарлаа хандуулж, орчин үеийн борлуулалтын тогтолцоог хөгжүүлж, салбарын гинжин хэлхээний дээд болон доод талын аж ахуйн нэгжүүдийн уялдаа холбоог сайжруулж, аюулгүй байдал, эрүүл мэнд, өндөр чанар, тогтвортой байдал, байгаль орчныг ухаалаг хамгаалах чиглэлээр бүтээгдэхүүний хөгжлийг дэмжинэ.

Зах зээлийн удирдамж, илүү мэргэжлийн үйлчилгээ

Аж үйлдвэрийн холбоод нь зуучлагч байгууллагын үүргийг гүйцэтгэж, аж ахуйн нэгжүүдэд мэргэжлийн үйлчилгээ үзүүлж, бүс нутгийн брэндийг аж үйлдвэрийн кластерт бий болгоход түлхэц өгч, цайны үйлдвэрлэлийн стандарт, инновацийн хамтын ажиллагаа, бизнесийн хамтын ажиллагаа, нөөцийн хуваарилалтыг удирдан чиглүүлж, корпорацын брэнд болон бүс нутгийн брэндийн эрүүл, тэнцвэртэй хөгжлийг дэмжих ёстой.

Мэй Юй хэлэхдээ "Хятадын цайны эргэлт нь үйлдвэрлэлийн хүчин чадлыг хөгжүүлэхээс эхлээд брэндийг бий болгох хүртэл үйлчлүүлэгчдийн баазын бүтцийг тохируулах, бизнесийн олон хэлбэрийг давхцуулж, эрэлт хэрэгцээг сайжруулах, баяжуулах замаар бий болсон боломжуудтай тулгарч байна. Бодлого, зах зээлийн жолоодлогын удирдлага дор ногоон, эрүүл мэнд, нийгмийн харилцан үйлчлэл, өндөр өртөгтэй гүйцэтгэлийн чиглэлээр тасралтгүй хүчин чармайлт гаргаснаар зах зээлийн бүх тоглогчид чанарын сайжруулалт, цайны хэрэглээг өргөжүүлэх шинэ шатанд орж, цайны салбарын хөгжлийг өндөр чанартай болгосон юм" гэжээ.