2017 оны “Үзэсгэлэнт сайхан миний нутаг-Герман-Өвөр Монголын соёлын жил”-ийн арга хэмжээний нэг болох энэхүү үзэсгэлэнд 9 ширхэг хүүхдийн бар зураг оролцуулсан. Нийт 55 бар зургийг үзэгч олонд дэлгэн үзүүлсэн байна. Берлин дэх Хятадын соёлын төвийн дарга Чэн Жян Ян нээлтийн ёслолд оролцож үг хэлсэн юм.

Тэрээр:

- Хятад, Герман улс төрийн эдийн засаг соёл зэрэг салбарт солилцоо хамтын ажиллагаагаа өдөр ирэх тусам нягт болгож байна. Энэ оны 4-р сард эхлүүлсэн “Үзэсгэлэнт сайхан миний нутаг-Герман-Өвөр Монголын соёлын жил” арга хэмжээ бол хоёр орны хооронд иргэдийг ойртуулах ухагдахууны үндсэн дээр зохиож байгаа арга хэмжээ болно. Хорчин бар зургийн бүтээл монгол үндэстний ард олны амьдрал үйлдвэрлэлээр сэдэвлэсэн байж, тал нутгийн соёлыг харуулсан байдаг. Энэ нь Германы ард олонд өвөрмөц соёлыг таниулах болно гэж хэллээ.

Өвөр Монголын Түнляо хотын Соёл, хэвлэл мэдээлэл, радио телевизийн газрын орлогч дарга Чи Гэнжү:

- Хорчин бар зураг 20-р зууны 50-иад оноос үүсэлтэй бөгөөд монгол үндэстний өвөрмөц гоё сайхны үзлийг бар зургийн өнгө аяст нийцүүлсэн байдаг гэж хэлсэн байна. Энэ үзэсгэлэн Өвөр Монголыг танилцуулж, Хятад, Герман хоёр орны соёлын салбарын солилцоо, хамтын ажиллагаа, тэрчлэн хоёр орны ард түмний харилцан ойлголцлыг нэмэгдүүлэхэд чухал үйлдэл үзүүлнэ гэж хэлсэн. Нээлтийн арга хэмжээний дараа Хятад, Германы 50 гаруй хүндэт зочид энэ үзэсгэлэнтэй танилцсан байна. Энэхүү үзэсгэлэн 8-р сарын 29-нийг хүртэл үргэлжилнэ.