Ирландын ерөнхий сайд Лео Варадкарын урилгаар Хятадын Төрийн зөвлөлийн ерөнхий сайд Ли Чян өчигдөр,16-ний өдрөөс Ирландад айлчилж байна. Ерөнхий сайдыг нисэх онгоцны буудалд Ирландын Байгаль орчин, уур амьсгал, харилцаа холбооны сайд, Зам тээврийн сайд Имон Райан хүндэтгэн угтжээ.

 Ерөнхий сайд Ли Чян хэлэхдээ, энэ онд Хятад Ирланд хооронд дипломат харилцаа тогтоосон 45 жилийн ой болно. Хятад улс Ирландтай хамтдаа хоёр орны төрийн тэргүүний тохиролцсон нийтлэг ойлголтыг сайтар хэрэгжүүлж, хоёр орон, ард иргэдэд үр өгөөжтэй хамтран ажиллахад бэлэн байна гэв.