Хятадын Коммунист Намын Өвөр Монголын Өөртөө Засах Орны XI сонгуулийн хорооны XIII бүгд хурал 11-р сарын 17-ны өглөө Хөххотод нээгдлээ. Хурал нэг өдөр хагасын хугацаанд үргэлжилнэ.

Хятадын Коммунист Намын Өвөр Монголын Өөртөө Засах Орны XI сонгуулийн хорооны XIII бүгд хурал 11-р сарын 17-ны үдээс өмнө Хөххотод нээгдэв.
ӨМӨЗО-ны Намын хорооны нарийн бичгийн дарга, Ардын Төлөөлөгчдийн Их Хурлын Байнгын хорооны эрхлэгч Ван Вэйжүн анхны бүгд хурлыг даргалж, үг хэллээ. Тэрээр Өөртөө засах орны Намын хорооны Байнгын хорооны өмнөөс ажлын тайлан тавьж, мөн Өөртөө засах орны Намын хорооны холбогдох “тогтоол”-ын төсөл болон тайлангийн төслийн талаар тайлбар хийв. Өөртөө засах орны Намын хорооны нарийн бичгийн даргын орлогч, Өөртөө засах орны засгийн газрын дарга Бао Ган хуралд оролцов.
Уг бүгд хурлын гол зорилт нь Ши Жиньпиний шинэ эрин үеийн Хятадын онцлогтой социализмын үзэл санаагаар удирдлага болгон, ХКН-ын XX их хурал болон XX сонгуулийн Төв Хорооны удаа дараагийн бүгд хурлын үзэл санааг гүнзгий хэрэгжүүлж, Төв хорооны IV болон V бүгд хурлаас дэвшүүлсэн үүрэг зорилтыг нухацтай биелүүлэх, Ши Жиньпиний намын байгуулалтын тухай үзэл санааг гүнзгий судлан хэрэгжүүлэх, мөн Ши Жиньпин ерөнхий нарийн бичгийн даргын Өвөр Монголын талаар дэвшүүлсэн цуврал чухал илтгэл, чухал зааварчилгааны үзэл санааг тууштай хэрэгжүүлэхэд оршино.
Хурлаар Намын хорооны Байнгын хорооны ажлын тайланг сонсож, хэлэлцэхийн зэрэгцээ дараах баримт бичгийн төслүүдийг хянан хэлэлцэнэ. Үүнд:
“Ши Жиньпин ерөнхий нарийн бичгийн даргын Улаанцав хотод ажиллах үеэр хэлсэн чухал үг, өгсөн чухал зааварчилгааны үзэл санааг гүнзгий суралцан хэрэгжүүлэх тухай Өвөр Монголын Өөртөө Засах Орны Намын хорооны тогтоол (хэлэлцүүлгийн төсөл)”, “ХКН-ын XX сонгуулийн Төв хорооны V бүгд хурлын үзэл санааг гүнзгий судлан хэрэгжүүлэх тухай Өвөр Монголын Өөртөө Засах Орны Намын хорооны тогтоол (хэлэлцүүлгийн төсөл)”, мөн ХКН-ын Өвөр Монголын Өөртөө Засах Орны XI сонгуулийн хорооны Өөртөө Засах Орны Намын XII их хуралд дэвшүүлэх тайлан болон Өөртөө Засах Орны Сахилга батыг шалгах XI сонгуулийн хорооны Өөртөө Засах Орны Намын XII их хуралд дэвшүүлэх ажлын тайланг хэлэлцэж, дараагийн шатны ажлын зорилт, үүрэг даалгаврыг төлөвлөн хэрэгжүүлэх юм.
