Хятадын Ложистик, Худалдан авалтын холбоо 5-р сарын 9-ний өдөр,4-р сарын ложистикийн салбарын хөгжил цэцэглэлтийн индексээ гаргалаа. 4-р сард Хятадын Ложистикийн салбарын хөгжлийн индекс 49.7 хувьд хүрч, өмнөх сараас 0.5 хувиар буурсан байна.

4-р сард ложистикийн үндсэн хөрөнгийн хөрөнгө оруулалтын гүйцэтгэлийн индекс 53.7 хувьд хүрч, өмнөх саруудынхаас 2.3 хувиар сэргэсэн байна. Судалгаагаар аж ахуйн нэгжүүд олон төрлийн тээвэр, ухаалаг хангамжийн сүлжээ болон бага нүүрстөрөгчийн ногоон агуулах, түгээлтийн салбар зэрэгт хөрөнгө оруулах болон тоног төхөөрөмжийн шинэчлэлд хөрөнгө оруулах ихээхэн сонирхолтой байгаа ажээ.

Ажил эрхлэлтийн индекс 50.1 хувь байсан нь өмнөх сараас 0.4 хувиар сэргэж, ложистикийн салбар ажил эрхлэлтийг шингээх чадвар сайжирсныг харуулсан байна.

Зах зээлийн хүлээлтийн тухайд, бизнесийн үйл ажиллагааны хүлээлтийн индекс дөрөвдүгээр сард 56.3% байсан нь өмнөх саруудынхаас 2.1 хувиар сэргэсэн үзүүлэлт юм. Бизнесийн үйл ажиллагааны хүлээлтийн индекс дөрвөн сар дараалан тэлэлтийн хүрээндээ хэвээр байна.