Хятадын олон улсын ханган нийлүүлэлтийн IV экспо 6-р сарын 22-ноос 26-ны өдрүүдэд Бээжин хотноо болсон байна. НҮБ-ын ангилалд багтсан бүх аж үйлдвэрийн салбарыг эзэмшдэг дэлхийн цорын ганц улс болох Хятад улс цогц аж үйлдвэрийн кластерууд болон өндөр үр ашигтай ханган нийлүүлэлтийн сүлжээтэй. Хятадын ханган нийлүүлэлтийн сүлжээ яагаад дэлхийн анхаарлыг татаж байна вэ? Хүчирхэг ханган нийлүүлэлтийн тогтолцоо Хятадын үйлдвэрлэлийг хэрхэн дэмжиж байна вэ? Сурвалжлагч энэхүү экспод оролцсон гурван компанитай ярилцаж, тэдгээрийн түүхээр дамжуулан Хятадын үйлдвэрлэлийн хөгжлийн замналыг судалжээ.
Экзоскелет роботын хөгжил нь Хятадын технологийн цогц дэвшил, ханган нийлүүлэлтийн сүлжээний нэгдсэн давуу талаас ашиг хүртэв
Энэхүү экспогийн үеэр Ханжөүгийн Тайши Ухаалаг Технологийн ХХК-ийн нүүрстөрөгчийн эслэгээр хийсэн экзоскелет робот олны анхаарлыг татсан юм.
Хэдхэн хоногийн өмнө Гуанжөүд болсон үзэсгэлэнгийн үеэр булчингийн дистрофи өвчнөөр шаналж, олон жилийн турш тэргэнцэр хэрэглэсэн Аргентины нэгэн эмэгтэй тус компанийн экзоскелет роботыг ашигласны дараа босож алхаж чадсан тухай бичлэг олон хүний сэтгэлийг хөдөлгөлөө.
Гадаадын бизнес эрхлэгчид Хятадын олон улсын ханган нийлүүлэлтийн сүлжээний IV экспо дээр нүүрстөрөгчийн эслэгэн нийлмэл материалаар хийсэн ургамал хамгааллын дронтой танилцаж байна.
- Энэ үйл явдлын дараа хүмүүс Хятадын Тайши Ухаалаг Технологийн ХХК-ийг олноороо сонирхож, холбогдох хайлтын хэмжээ 3000 хувь өссөн бөгөөд зах зээлийн борлуулалт хоёрдугаар байранд орсон өрсөлдөгчийнхөөс арав дахин нэмэгдсэн. Одоогоор үйлдвэрлэлийн хүчин чадал эрэлтийг бүрэн хангаж чадахгүй байна. Иймээс зарим дэлгүүрээ хаасан бөгөөд одоо ажиллаж байгаа цорын ганц оффлайн дэлгүүр нь төлбөр хүлээн авсан захиалгыг наймдугаар сар хүртэл хүргэх боломжгүй болсон гэж Тайши компанийн хариуцлагатай албаны ажилтан Юй Мө танилцууллаа.
Стартап багаас арав гаруй бүтээгдэхүүнтэй салбарын тэргүүлэгч компани болон хөгжихөд Тайши компани ердөө тавхан жилийг зарцуулсан.
Үүний гол шалтгаан нь тус компанийн бүтээгдэхүүнд өөрсдийн боловсруулсан мотор, нүүрстөрөгчийн эслэг материал, магнийн хайлш зэрэг техник хангамжийн үндсэн технологийг ашигладаг бөгөөд Жэжян мужийн Ханжөү хот орчмын технологийн компаниудын нягт төвлөрсөн экосистем чухал дэмжлэг үзүүлсэнтэй холбоотой. Ханган нийлүүлэлтийн сүлжээний экспогийн үеэр Тайши компани бүтээгдэхүүнээ танилцуулахаас гадна ханган нийлүүлэлтийн сүлжээний бүх түнштэйгээ хамтын ажиллагаагаа өргөжүүлэх боломжийг идэвхтэй эрэлхийлсэн нь мөн нэгэн чухал хүчин зүйл болсон.
Үүнээс гадна хэрэглэгчдийг хамгийн их баярлуулж буй зүйл нь өмнө нь экзоскелет робот хэдэн зуун мянган юанийн үнэтэй байсан бол Тайши компанийн бүтээгдэхүүний дундаж үнэ одоо 5000 орчим юань болсон явдал юм. Мөн Юй Мөгийн танилцуулснаар борлуулалтын оргил үед өдөрт нэг сая гаруй юанийн борлуулалт хийж, бүтээгдэхүүний 50 хувийг гадаад зах зээлд борлуулжээ.
Хятадын экзоскелет робот нь урьд нь өндөр үнэтэй, цөөн хүнд хүртээмжтэй байсан технологийг энгийн хэрэглэгчдийн ашиглах боломжтой өдөр тутмын бүтээгдэхүүн болгон хувиргаж байна.
Шинэ материалууд нь Хятадын хүчирхэг аж үйлдвэрийн сүлжээнээс төрөн гарч, дэлхийн өвөрмөц эрэлт хэрэгцээ болжээ
Энэхүү экспогийн үеэр үзүүлсэн робот гар олны анхаарлын төвд байлаа. Нарийвчлан ажиглавал энд робот гарыг бус, харин робот гарыг хүний жинхэнэ гар шиг хөдөлгөдөг гол эд анги болох шөрмөсний холбоосыг танилцуулж байсан юм.
Ийм "гар" нь өндөг барих, хятад үсэг бичихээс гадна аж үйлдвэрийн түвшний хүнд даацын ачиж буулгах ажлыг гүйцэтгэх чадвартай.
Хятадын олон улсын ханган нийлүүлэлтийн сүлжээний IV экспо дээр зочид фотовольтайк нисэх төхөөрөмжийг туршин үзэж байна.
- Хүн дүрст роботын 'гар'-ыг бүтээхэд уламжлалт механик шийдлийг хэрэгжүүлэхэд хүндрэлтэй байдаг. Олон удаагийн туршилтын үр дүнд энэхүү шөрмөсний шийдэл нь одоогоор хамгийн оновчтой шийдлүүдийн нэг болсон. Шөрмөсний хөтлөгчийн системд ашигладаг хэт өндөр бат бөх шилэн кабель нь ган утаснаас 10 дахин бат бөх тул роботын хурууг илүү уян хатан болгож, илүү хүнд зүйл өргөх чадвартай болгосон бөгөөд атгах хүч нь 250 кг хүртэл хүрдэг гэж Синохимын охин компани болох Жүнлань Чэньгуан Химийн Судалгаа, Дизайны Хүрээлэн ХХК-ийн Бизнесийн хэлтсийн захирал Ли Лүнрүй танилцууллаа.
Дэвшилтэт материалын хөгжил нь роботыг илүү хүчирхэг болгоод зогсохгүй, Хятадын өндөр зэрэглэлийн бүтээгдэхүүнийг илүү хөнгөн болгожээ. Эвхэгддэг дэлгэцтэй гар утас, дрон зэрэг салбарт нэг грамм жин хасах бүр нь судалгаа, хөгжүүлэлтэд оруулсан ихээхэн хөрөнгө оруулалтыг илэрхийлдэг.
- Зарим хэрэглээний электрон бүтээгдэхүүний хувьд ердөө нэг, эсвэл хоёр граммаар хөнгөрөх нь технологийн томоохон дэвшилд тооцогддог. Өндөр зэрэглэлийн үйлдвэрлэлийн хөгжил нь ихэвчлэн технологиос бус, харин материалаас шалтгаалдаг гэж Ли Лүнрүй хэллээ.
Жишээлбэл, Хятадын шинэ эрчим хүчний автомашины салбарын хөгжил нь материалын шинэчлэлийн маш сайн "туршилтын талбар" болж байна. Энэхүү үзэсгэлэн дээр шинэ эрчим хүчний автомашинд зориулсан хэт бага хүчдэлийн өөрөө тосолгоотой холбогчийн битүүмжлэл энгийн мэт харагдавч, дэлхийд тэргүүлэх шинэ материал болох өөрөө тосолгооны силикон резин юм.
- Өнөөдрийг хүртэл энэ бүтээгдэхүүн олон улсын тэргүүлэх түвшинд байгаа бөгөөд үйлдвэрлэгчид үүнийг дараагийн үеийн загварууддаа ашиглах болно. Түүнчлэн энэ материалын хэрэглээ цаашид тээвэр болон фотовольтайк эдийн засгийн салбарт өргөжин тэлж байна.
Робот гарт зориулсан өндөр бат бөх нүүрстөрөгчийн эслэг шөрмөс, шинэ эрчим хүчний тээврийн хэрэгсэлд зориулсан өөрөө тосолгооны силикон резин зэрэг шинэ материалууд нь Хятадын дэвшилтэт үйлдвэрлэлийн үсрэнгүй хөгжлийн бодит жишээ юм.
Фотовольтайкийн үйлдвэрлэл нь бие даасан, хяналттай үйлдвэрлэлийн сүлжээндээ тулгуурлан салбартаа тэргүүлж байна
Ханган нийлүүлэлтийн сүлжээний IV экспогийн үеэр Тунвэй групп "Элсний ширхгийг фотовольтайк модуль болгон хувиргах" бүхий л үйл явцыг танилцуулав. Фотовольтайкийн түүхий эд нь энгийн элс, хайрганаас гарган авсан цахиур юм. Цахиурыг өндөр температурт хайлуулж үйлдвэрлэлийн цахиур гарган авч, дараа нь хүйтэн устөрөгчжүүлэх болон цэвэршүүлэх процессоор нарны эрчим хүчний зориулалттай поликристалл цахиур үйлдвэрлэдэг. Үүний дараа тус цахиурыг цахиурын саваа, цахиурын хавтан, батарейн хавтан болгон боловсруулж, эцэст нь нарны хавтан үйлдвэрлэдэг.
Хятадын олон улсын ханган нийлүүлэлтийн сүлжээний IV экспо дээр үзэгчид хүн дүрст роботын боксын тэмцээнийг үзэж байна.
Цэвэршүүлэх үйл явцад хэдэн "9"-өөр цэвэршлийн түвшинг илэрхийлдэг. Нарны эрчим хүчний зориулалттай поликристалл цахиур нь ихэвчлэн "зургаан 9"-өөс "найман 9"-ийн хоорондох цэвэршилт шаарддаг бол Хятадын компаниуд үүнийг "арван нэгэн 9" (99,999999999 хувь) болгон ахиулсан нь дэлхийд тэргүүлэх түвшинд хүрсэн бөгөөд чип үйлдвэрлэлд шууд ашиглах боломжтой болсон. Хятадын компаниуд цахиурын хавтангийн үйлдвэрлэлээ өргөжүүлж, улам нимгэлсээр байгаа бөгөөд 182 мм болон түүнээс дээш хэмжээтэй том оврын цахиурын хавтангийн зах зээлийн эзлэх хувь 95 хувиас давжээ. "N" хэлбэрийн батарейн массын үйлдвэрлэлийн үр ашиг 25 хувиас дээш хэмжээнд хүрч, бүтээгдэхүүний чанар болон өртгөөрөө дэлхийд тэргүүлж байна.
Технологийн давуу талдаа түшиглэн 2025 он гэхэд Хятадын поликристалл цахиур, цахиурын хавтан, батарейн үйлдвэрлэлийн хүчин чадал дэлхийн зах зээлийн 90 гаруй хувийг, эд ангийн үйлдвэрлэл 80 гаруй хувийг эзэлж байна. Сүүлийн арван жилийн хугацаанд салбарын ханган нийлүүлэлтийн бүх сүлжээнд гарсан шинэчлэлүүдийн үр дүнд эд ангийн үнэ 90 гаруй хувиар буурч, дэлхий даяар сэргээгдэх эрчим хүчний хэрэглээг үр дүнтэй дэмжиж байна.
Өмнө нь цахиурын түүхий эдийн зах зээлийг гадаадын компаниуд монопольчилж байсан бөгөөд үнэ нь килограмм тутамд 300–400 юань хүрч байжээ. Өдгөө үйлдвэрлэлийн бүх үе шатыг өөрсдөө гүйцэтгэдэг болсноор килограмм тутмын үнэ 40 юань хүрэхгүй болсон байна. Тухайн үед фотовольтайкийн үйлдвэрлэл нь түүхий эд, тоног төхөөрөмж, зах зээл гэсэн гурван гол чиглэлээр гадаадын зах зээлээс хамааралтай байв. Харин өнөөдөр Хятад улс өндөр зэрэглэлийн фотовольтайкийн үйлдвэрлэлийн бараг бүх үе шатанд давамгай байр суурь эзэлж, туслах материалаас эхлээд тоног төхөөрөмж, үйлдвэрлэл, нэгдсэн угсралт хүртэл бие даасан, хяналттай үйлдвэрлэлийн гинжин хэлхээг бүрдүүлсэн байна.
Өнөөдөр Хятадын фотовольтайк салбарын бүх үе шатны гол технологи, тоног төхөөрөмж, үйлдвэрлэлийн хүчин чадлыг Хятад улс өөрөө эзэмшиж байна. Энэ нь Хятадын фотовольтайк үйлдвэрлэл, түүнтэй холбоотой салбарууд болон ханган нийлүүлэлтийн сүлжээний шаргуу хөдөлмөрийн бодит үр дүн юм.
Хятадын олон улсын ханган нийлүүлэлтийн сүлжээний IV экспогийн үйл ажиллагааны талбай
