"Хятад-Өмнөд Азийн экспо нь Шри Ланкийн экспортлогчдод Хятадын зах зээлийг ойлгож, бүс нутгийн худалдааг өргөжүүлэх маш сайн боломжийг олгодог. Энэхүү экспо нь хөгжиж буй улсуудын худалдааны хамтын ажиллагааны гайхалтай тавцан болсон" гэж Шри Ланкийн Худалдааны яамны Худалдааг дэмжих газрын ерөнхий захирал Чарита Ятогода хэлэв.
Хятад-Өмнөд Азийн X экспо нь “эв нэгдэл ба хамтын ажиллагаа, хамтын хөгжил” уриа доор 06-р сарын 11-16-ны хооронд Юньнань мужийн Күньмин хотод зохион байгуулагдаж, Ятогода Шри Ланкийн үзэсгэлэн худалдаа эрхлэгчдийг ахлан энэхүү экспод оролцов. Ятогодагийн хэлснээр, Шри Ланкийн компаниуд Хятадын зах зээлд ихээхэн сонирхолтой байгаа бөгөөд Шри Ланкийн экспортлогчдын Өмнөд Азийн экспод оролцох хүсэл эрмэлзэл сүүлийн жилүүдэд тогтвортой нэмэгдэж байгаа бөгөөд оролцох хүсэлт гаргасан компаниудын тоо жилээс жилд нэмэгдэж байна. Энэ жил цай, үнэт эдлэл, халуун ногоо, хөдөө аж ахуйн бүтээгдэхүүн, резинэн зэрэг салбаруудыг хамарсан 100 гаруй компани оролцсон байв.
Ятогодагийн хувьд цахим худалдаа нь хамтын ажиллагааны ирээдүйтэй салбар юм. Хэрэв Шри Ланкийн компаниуд Хятадын цахим худалдааны платформуудыг илүү сайн ашиглаж чадвал манай чансаатай бүтээгдэхүүнүүд Хятадын хэрэглэгчдэд илүү шууд хүрэх болно гэж Ятогода учирлана.
Ятогодагийн хэлснээр, Өмнөд Азийн Экспо нь Өмнөд Ази, Зүүн Өмнөд Ази болон өргөн хүрээний бүс нутгийн бизнес эрхлэгчид болон зах зээлийг холбодог. Өмнөд Азийн Экспо нь Шри Ланкийн компаниудын гадаадад оролцдог хамгийн том худалдааг дэмжих арга хэмжээний нэг бөгөөд экспортын салбараа цаашид өргөжүүлэх, худалдааны уян хатан байдлыг сайжруулахыг хүсэж байна гэв.
Өмнөд-Өмнөдийн худалдаа асар их боломжтой гэж Ятогода хэлэв. Тэрээр Хятадын том зах зээл, бүрэн үйлдвэрлэлийн систем, дижитал эдийн засаг, ногоон хөгжлийн эрч хүч нь Өмнөд Азийн орнуудын бизнес эрхлэгчдэд шинэ боломжуудыг олгож байгааг тэмдэглэв.
Өмнөд Азийн экспог нээлттэй тавцан болгох Хятадын хүчин чармайлт нь зах зээлийн боломжийг хуваалцах, Шри Ланк зэрэг Өмнөд Азийн орнуудтай харилцан ашигтай хамтын ажиллагаа хөгжүүлэх чин сэтгэлийг харуулж байна.
