Хияа багшийн шинэ бүсийг байгуулахдаа өндөр стандартаар төлөвлөж, бүтээн байгуулахаар зарчим болгож, 50 жилд хоцрохооргүй байхаар хийжээ. Шинээр байгуулагдсан тус дүүрэг нь Ордос хотын улс төр, соёлын төв болох бөгөөд нийт талбай нь 352 кв.км байж, нийт барилгын талбай нь 32 кв.км байна. Тус дүүрэг нь өмнө нь Чиншань дүүрэг нэртэй байсан бөгөөд 2004 оны 5 дугаар сард Хияа багш шинэ дүүрэг гэж өөрчилжээ. 2004 оноос бүх талаас хөгжүүлж байгуулсанаар шинэ бүсийн хотын чанар чансаа, дүр төрх ихээхэн дээшилж, нийгэмчилсэн үйлчилгээний барилга байгууламжийн бүтээн байгуулалт шинэ ажилтанд хүрч, соёл иргэншилт хотын дүр төрхийг харуулжээ. 2011 оноос эхлэн хүн ард тус дүүрэгт ихээр нүүн орж суурьшсан байна.

Энэ дүүрэгт цахилгаан эрчим хүчний талаар 220 квт-ын трансформаторын төсөл болон хойд бүс, Хуатай зэрэг 110 квт-ын трансформаторын цахилгаан станц, иж бүрэн сүлжээний төслийг хэрэгжүүлсэн бөгөөд “Цахилгааны хос эх сурвалж, хос шугам”-тай цахилгаан хангах систем хийж, нам захиргааны төв байр, соёлын ордон, цэнгэлдэх хүрээлэн, дулаан үүсгүүрийн үйлдвэр, эмнэлэг, одот зочид буудлууд цахилгаан хангах тусгай шугамтай болжээ.

Улаанмөрөн нуур, Азийн урлагийн парк зэрэг 11 соёл жуулчлалын үзмэрийн баазтай бөгөөд 2011 онд 2 сая гаруй жуулчдыг хүлээн авсан бөгөөд улсын зэрэглэлийн 4А зэрэглэлийн аялал жуулчлалын орон болжээ.

Ордос хотын сургуулиудын олонх нь тус дүүрэгт нүүн ирсэн бөгөөд сургуульд сурч байгаа хүний тоо 27 мянгад хүрчээ. Мөн 15 жилийн төлбөргүй сургалтын бодлого хэрэгжүүлж байгаа бөгөөд 19 жилийн төлбөргүй үндэстний сургалт явуулж байна.