Хятадын Олон улсын Үйлчилгээний худалдааны 2026 оны үзэсгэлэн (CIFTIS) энэ оны 9-р сарын 9-нөөс 13-ны хооронд Бээжин хотноо болно.Энэ үзэсгэлэнгээр 90 улс орны 1830 гаруй компани үзэсгэлэн гаргах бөгөөд үүнд дэлхийн “Топ-500” жагсаалтад багтсан 473 компани болон салбарын тэргүүлэгч компаниуд багтана. 190 орчим хурал, форум, бизнесийн хэлэлцээр, сурталчилгааны арга хэмжээ зохион байгуулах болно.
Үйлчилгээний экспорт гадаад худалдааны өсөлтийн чухал хөдөлгүүр болж байна
- Энэ оны эхний хагаст Хятадын үйлчилгээний худалдаа чансаатай өсөлтийн дүнг үзүүллээ гэж Хятадын Худалдааны яамны дэд сайд Янь Дүн танилцууллаа. Оны эхний хагаст үйлчилгээний импорт, экспортын нийт хэмжээ 3.8 их наяд юаньд хүрч, өнгөрсөн оны мөн үеэс 8.3 хувиар өссөн байна. Үүний дотор үйлчилгээний экспорт 17.6 хувиар нэмэгдэж, гадаад худалдааны өсөлтийн чухал хөдөлгүүр болжээ.
Аялал жуулчлалын үйлчилгээний экспорт өндөр хурдтай өссөөр байна. Хятадад визгүй нэвтрэх бодлогыг тасралтгүй боловсронгуй болгож, татварын буцаан олголт, төлбөр тооцооны хялбаршуулалт зэрэг арга хэмжээг хэрэгжүүлснээр “Хятадад аялах”, “Хятадад худалдаа хийх” шинэ чиг хандлага болсон байна. Хятадын Үндэсний цагаачлалын газрын мэдээллээр, энэ оны эхний хагаст Хятадад нэвтэрсэн гадаадын иргэдийн тоо 22.914 саяд хүрчээ. Гадаадын жуулчдын аялал жуулчлалын үйлчилгээний экспортод оруулсан хувь нэмэр 229.2 тэрбум юаньд хүрч, өнгөрсөн оны мөн үеэс 31.1 хувиар өссөн байна.
Үйлдвэрлэлийн салбартай холбоотой үйлчилгээ экспортын өсөлтийн гол хөдөлгүүр болоод байна. Оны эхний хагаст оюуны өмч ашигласны төлбөр, санхүүгийн үйлчилгээ, тээврийн үйлчилгээ, цахилгаан холбоо, компьютер болон мэдээллийн үйлчилгээний экспорт тус тус 44.3 хувь, 25.9 хувь, 25.4 хувь болон 10.9 хувиар өссөн байна.
Соёлын үйлчилгээний экспорт мөн эрчимтэй нэмэгдэж байна. Олон улсын соёлын солилцоо, худалдаа улам гүнзгийрэхийн хэрээр соёлын үйлчилгээний экспортын чанар, түвшин дээшилж, цахим уран зохиол, онлайн аудио-визуал контент, анимэйшн, тоглоом зэрэг дижитал соёлын бүтээгдэхүүн дэлхийн зах зээлд моод болгож байна. Оны эхний хагаст хувь хүний соёл, зугаа цэнгэлийн үйлчилгээний экспорт өнгөрсөн оны мөн үеэс 57.2 хувиар өссөн нь үйлчилгээний экспортын бүх салбараас өндөр өсөлт болсон байна.
