Айчи-Нагояагийн Азийн спортын наадмын төлөөлөгчдийн багуудыг угтан авах ёслол 9-р сарын 17-ны өдөр орон нутгийн Гарденс Пиер дахь Фүжи талбайд үргэлжилж, Хятадын төлөөлөгчдийн баг ёслолд оролцлоо.

Төлөөлөгчдийн багуудыг угтан авах ёслол 16-ны өдрөөс эхэлсэн бөгөөд өдөр бүр гурван удаа зохион байгуулагдаж, нэг удаагийн ёслолд ойролцоогоор 3-6 төлөөлөгчдийн баг оролцож байна. Ёслолын үеэр төлөөлөгчдийн багууд талбайд жагсан орж ирэх, багийг танилцуулах, урлагийн тоглолт үзүүлэх, мэндчилгээ дэвшүүлэх, төрийн далбаа мандуулах, дурсгалын бэлэг гардуулах, хамтын зураг авахуулах зэрэг үйл ажиллагааг дарааллаар зохион байгуулна.

Мөн өдөр Хятадын төлөөлөгчдийн баг эхний ёслолын арга хэмжээнд хамгийн түрүүнд оролцож, эмэгтэй сагсан бөмбөгийн тамирчид болох Лю Юйтун, Тан Зытин, Сүнь Юй, Жя Сайчи нар болон багийн удирдлагууд, ажилтнууд оролцлоо. Төрийн далбаа мандуулах ёслолын дараа Лю Юйтун хэлэхдээ, энэ нь түүний Азийн наадмын төлөөлөгчдийн багийг угтан авах ёслолд анх удаа оролцож байгаа явдал бөгөөд маш их сэтгэл догдолж байна, мөн удахгүй эхлэх тэмцээнүүдэд итгэл хүлээлттэй байна гэж хэлэв.