Хүүхдүүд тал нутгийнхаа өвөрт эрхэлж, тэнүүн талд цог жавхаа баяр баясгалантай байлаа. Монгол гэрт зочлох зан заншил, малчдын ажил хөдөлмөр, төл хэрхэн тосохыг хүүхдүүдэд багш нар нь ярьж, хүүхдүүдээрээ хурга, ишиг угжууллаа.

Хүүхдүүд хонин сүргийн дэргэд дур тааваараа хөөцөлдөж, чулуу түүж тоглон наадаж байв.
Энэхүү үйл ажиллагаагаар дамжаад хүүхдүүддээ төл малын дэргэдэх хөдөөгийн бор амьдралыг бодитоор мэдрүүлж, тэднээр биечлэн хийлгэж, монгол үндэстнийхээ уламжлалт амьдралаар бахархах сэтгэлийг нь нэмэгдүүлж, үндэстнээ хайрлах эрхэм дээд үзэл ухамсрыг буй болгоход гол зорилго оршиж байна.