Эрээн хотын хилийн шалган нэвтрүүлэх газраас нэгдүгээр сарын 08-нд мэдээлснээр 2020 онд Эрээн боомтоор Хятад-Европ чиглэлийн галт тэрэг 2379 удаа зорчсон нь  өнгөрсөн оны мөн үеэс 53.3 хувиар нэмэгджээ. Энэ нь түүхэн дээд амжилт болж буй үзүүлэлт аж. Хилийн шалган нэвтрүүлэх ажлыг түргэн шуурхай зохион байгуулж галт тэрэгний шалгалтыг цахимжуулжээ. Мөн хилийн шалган нэвтрүүлэх хугацааг 24 цаг болгож жижүүрлэн ажилласан байна. 

Ингэснээр тус боомтоор дамжин өнгөрөх галт тэрэг түргэн шуурхай нэвтрэх боломж бүрджээ. Эрээн нь Хятад Монголын хамгийн том боомт төдийгүй Хятад-Европын чиглэлийн галт тэрэгний чухал гарц болон өргөжлөө. Өнөөдрийн байдлаар Хятад-Европын чиглэлийн 43 шугам Эрээн хотоор дамжин өнгөрч байна.