Шилийнгол аймгийн Үзэмчин хонины нийгэмлгийн гишүүд Монгол Улсын Хөдөө Аж Ахуйн Дээд Сургууль дээр 2 сарын хугцаатай мах махан бүтээгдэхүүн, цагаан идээ боловсруулах мэргэжил дээшлүүлээд саяхан ганзаг дүрэн буцан ирлээ.
Нийгэмлэгийн гишүүд Шилийнхотноо баг хурал зохион байгуулсан бөгөөд ололт амжилт, сэтгэгдлээ хуваалцсан юм. Мөн төгсөлтийн үеэр хийсэн сүү, тараг, ааруул, цөцгий, хиам зэрэг бүтээгдхүүнээ нутаг усныхандаа амсуулан дээжилсэн байна.
- Мах махан бүтээгдэхүүн, цагаан идээг олон янзаар боловсруулж байгааг хараад үнхээр гайхлаа. Хонины мах, сүү, гэдэс дотор, арьс шир гээд бүх зүйл нь ашиг шимтэйг төдийлөн анзаарч байгаагүй. Нарийн тооцоо хийх юм бол Үзэмчин хонь 2000–3000 юань хүрэх боломжтой юм хэмээн Цэцэнгоо сэтгэгдлээ хуваалцлаа.
Энэхүү үйл ажиллагаанд зүүн баруун хоёр Үзэмчин хошуу болон Шилийнхотын 20 гаруй гишүүд оролцож 25 төрлийн мах махан бүтээгдхүүн хийх арга технологи, 12 төрлийн сүүн бүтээгдэхүүн хийх аргад суралцсан байна. Монгол Улсын Хөдөө Аж Ахуйн Дээд Сургуулиас Үзэмчин хонины нийгэмлгийн дарга Буян-Аривжихын хөдөрмөрийг үнэлж “Хүндэт одон”-оор шагнажээ.
