ХКН-ын Төв хорооны Улс төрийн товчооны байнгын гишүүн, Хятадын Төрийн зөвлөлийн ерөнхий сайдын орлогч Дин Шюэшян 06-р сарын 11-ний үдээс өмнө Чэндүд болсон "Бүс ба Зам"-ын шинжлэх ухаан, технологийн солилцооны хоёрдугаар хурлын нээлтийн ёслолд оролцож, чухал үг хэлэв.

Дин Шюэшян:

- Хятад улсын дарга Ши Жиньпин "Бүс ба Зам"-ын шинжлэх ухаан технологийн солилцоо хамтын ажиллагааг дээд хэмжээнд чухалчилж, олон томоохон санаачилга болон арга хэмжээ дэвшүүлж, олон улсын шинжлэх ухаан, технологийн инновацын хамтын ажиллагааг дэмжихэд чухал удирдамжаар хангасан юм. Хятад улс талуудтай хамтдаа хичээн зүтгэж, "Бүс ба Зам"-ын шинжлэх ухаан, технологийн инновацын хамтын ажиллагааны төлөвлөгөөг тасралтгүй хэрэгжүүлж, шинжлэх ухаан, технологийн "холбох гүүр"-ийг байгуулж, инновацын хамтын ажиллагааны сүлжээг бий болгож, "Бүс ба Зам"-ыг хамтдаа чансаатай бүтээн байгуулахад эрч хүчийг идэвхтэй сэлбэж байна гэж хэллээ.

Дин Шюэшян:

- Шинжлэх ухаан, технологийн шинэ эргэлт болон аж үйлдвэрийн өөрчлөлт гүнзгийрч, том өгөгдөл, үүлэн тооцоолол, хиймэл оюун ухаан зэрэг технологи нь эдийн засаг, нийгмийн хөгжлийг бүх талаар ахиулж байна. Гэхдээ технологийн хуваагдал, дижитал хуваагдал, ухаалаг хуваагдал улам өргөжиж, ноёрхох, дээрэлхэх зарим үйлдэл нь дэлхийн хөгжилд асар их саад тотгор учруулж байна. Бид эв нэгдэл, хамтын ажиллагаагаа бэхжүүлж, олон улсын шинжлэх ухаан, технологийн хамтын ажиллагааны санаачилгыг гүн гүнзгий хэрэгжүүлж, инновацад тулгуурласан, нээлттэй, хүртээмжтэй, эрх тэгш бөгөөд шударга, хамтын хөгжил цэцэглэлттэй, хүртээмжтэй, тогтвортой "Бүс ба Зам"-ын шинжлэх ухаан, технологийн инновацын нэгдмэл цогцыг байгуулж, нийт хүн төрөлхтөнд илүү сайн ашиг тустай байхын тулд шинжлэх ухаан, технологийн инновацыг дэмжих ёстой гэж хэлэв.