Хятадын төрийн зөвлөлийн ерөнхий сайд Ли Чян 01-р сарын 13-ны өдөр Бээжингийн Ардын их хурлын ордонд Хятадад албан ёсны айлчлал хийж буй Гренадын ерөнхий сайд Дикон Митчеллтэй уулзав.
Ли Чян:
- Хятад Гренадын дипломат харилцаа сэргэж эхэлснээс хойших сүүлийн 20 жилийн хугацаанд Хятад, Гренад хоёр бие биенээ үргэлж хүндэтгэж, эрх тэгш хандаж, өндөр түвшний харилцан солилцоогоо хадгалж, практик хамтын ажиллагаагаа тасралтгүй өргөжүүлж, хоёр ард түмэнд бодитой ашиг тусыг авчирсаар ирсэн. Өнөө Дарга Ши Жиньпин, Ерөнхий сайд Митчеллтэй уулзаж, дараагийн шатанд Хятад-Гренадын харилцааг гүнзгийрүүлж, хөгжүүлэх шинэ зураг төсөл боловсруулав. Хоёр талын харилцааны эрч хүчийг хадгалах, улс төрийн харилцан итгэлцлийг бэхжүүлэх, бие биенийхээ гол ашиг сонирхол, гол санаа зовоосон асуудлаар бие биенээ бат бөх дэмжих, олон салбарт харилцан ашигтай хамтын ажиллагааг үргэлжлүүлэн өргөжүүлэх, хоёр талын харилцааг шинэ түвшинд гаргахын тулд Хятад Гренадтай хамтран ажиллахад бэлэн байна гэж хэллээ.
Мөн тэрээр:
- Хятад улс хөгжлийн стратегиудын хамтын ажиллагааг бэхжүүлэх, "Бүс ба зам" санаачилгыг удирдамж болгон ашиглах, хөдөө аж ахуй, дэд бүтцийн барилга, эрүүл мэндийн салбар зэрэг уламжлалт салбаруудад хамтын ажиллагааг гүнзгийрүүлэх, шинэ эрчим хүч, дижитал эдийн засаг, цэнхэр эдийн засаг зэрэг хөгжиж буй салбаруудад хамтын ажиллагааг нэмэгдүүлэх арга замуудыг идэвхтэй судалж, хоёр орны харилцан ашигтай хамтын ажиллагааны чанарыг дээшлүүлэхэд бэлэн байна. Хятад шаардлага хангасан Хятадын үйлдвэрүүдийг Гренадад хөрөнгө оруулахыг уриалж байна. Хятад улс Гренада зэрэг Карибын тэнгисийн бусад орнуудад цаг уурын өөрчлөлттэй тэмцэх чадавхаа нэмэгдүүлэх, “НҮБ-ын Уур амьсгалын өөрчлөлтийн тухай гэрээ” болон “Парисын гэрээ”-г бүрэн дүүрэн, үр дүнтэй хэрэгжүүлэхэд туслахад бэлэн байна гэж хэлсэн юм.
Митчелл цааш үргэлжлүүлэн:
- Гренад, Хятад хоёрын хооронд дипломат харилцаа дахин сэргээгдсэний 20 жилийн ойг тохиолдуулан Хятадад айлчилж байгаадаа маш их таатай байна. Хятадын засгийн газар ард иргэдээр төв болгосон хөгжлийн үзэл баримтлалыг үргэлж баримталж, ядуурлыг бүх талаас нь бууруулах амжилтад хүрч, дэлхийн хөгжилд чухал хувь нэмэр оруулж, дэлхийд, ялангуяа хөгжиж буй орнуудад үлгэр жишээ үзүүлсээр ирсэн. Гренадын тал Гренадын эдийн засаг, нийгмийн хөгжилд урт хугацааны дэмжлэг, туслалцаа үзүүлсэнд Хятадад талархал илэрхийлж, улс хоорондын харилцааг хөгжүүлэх, Дэлхийн Өмнөд орны хөгжилд манлайлах асуудлаар харилцан хүндэтгэл, тэгш харьцааны зарчмыг баримталж байгааг өндөр үнэлэв. "Нэг Хятад" зарчим нь дэлхийн чиг хандлагатай нийцэж байгаа бөгөөд Гренад үүнийг үргэлжлүүлэн чанд баримтлах болно. Гренад улс дарга Ши Жиньпиний дэвшүүлсэн дэлхий дахины гурван санаачлагыг бат бөх дэмжиж, Хятадын удирдлагын туршлагаас суралцах, эдийн засаг, худалдаа, ард иргэд болон уур амьсгалын өөрчлөлтийн салбарт Хятадтай харилцан ашигтай хамтын ажиллагааг өргөжүүлэх, олон талын хамтын ажиллагааг бэхжүүлэх, хоёр талын харилцааг тогтвортой, гүн гүнзгий хөгжүүлэхэд дэмжлэг үзүүлэхэд бэлэн байна гэж хэлэв.
