Хятадын Төрийн Зөвлөлийн гишүүн, Нийгмийг Аюулаас Хамгаалах Яамны сайд, Гөү Шэнкүнь АНУ-ын Хууль Зүйн Яамны сайд Лоретта Е.Линч, Дотоодын Аюулгүй Байдлын Яамны сайд Жех Жохнсон хэлэлцээрт оролцов.

Гөү Шэнкүнь: - Ноднин жилийн 9-р сард Ши Жиньпин дарга, Барак Обама Ерөнхийлөгчийн уулзалтаар хүрсэн нийтлэг ойлголтын дагуу Хятад, Америк интернэт гэмт хэрэг, түүнтэй холбоотой асуудлаар дээд хэмжээний хамтарсан хэлэлцээрийн механизм бий болгосон юм. Саяхан хоёр орны тэргүүн нар Малигийн уулзалтаар энэ асуудлаар чухал саналаа дурдсан. Хоёр орны интернэтийн аюулгүй байдлын хамтын ажиллагаа өргөжин хөгжиж, хоёр орны харилцааны шинэ онцлог болж, хоёр орны үндэсний аюулгүй байдал, ард иргэдийн аюулгүйн хамтын ажиллагаанд идэвхтэй хувь нэмэр оруулж байна гэж хэлсэн байна.

      Лоретта Е.Линч, Жех Жохнсон нар:

- Америк, Хятад хоёр орон инернэт гэмт хэрэгт цохилт өгөх, интернэтийн аюулгүй байдлыг хамгаалах салбарт нийтлэг ашиг сонирхолтой. Дээд хэмжээний хэлэлцээрийн механизм нь хоёр орны интернэтийн аюулгүй байдлыг хамгаалах, интернэт гэмт хэрэгт цохилт өгөхөд чухал үүрэг гүйцэтгэж, хоёр талын хууль сахиулах байгууллагын солилцоо, харилцан ойлголцолд чухал индэр гаргасан юм. Хоёр орон энэхүү механизмаа үргэлжлүүлэн хөгжүүлж, ажил хэрэгч хамтын ажиллагаагаар интернэтийн терроризм, цахим залилан зэрэг интернэт гэмт хэрэгтэй хамтран тэмцэж, хоёр орны интернэтийн аюулгүй байдлын хамтын ажиллагаа бодит үр дүнд хүрэхийг баталгаажуулах ёстой гэж хэллээ.