Хятад улсын дарга Ши Жиньпин Бээжингийн Ардын их хурлын ордонд 06-р сарын 24-ний өдөр Хятадад албан ёсны айлчлал хийж буй Сингапурын ерөнхий сайд Лоренс Вонгтой уулзав. Лоуренс Вонг улиран сонгогдсонд Ши Жиньпин баяр хүргэв.

Ши Жиньпин дарга:

- Энэ жил Хятад Сингапур дипломат харилцаа тогтоосны 35 жилийн ой тохиож байна. Хоёр тал харилцан ойлголцож, хүндэтгэн, Хятад, Сингапурын харилцаа тогтвортой, эрүүл саруул хөгжих бат бэх баталгааг үргэлж баримталсаар ирсэн. Хятад-Сингапурын хамтын ажиллагаа нь үе шат бүртээ Хятадын хөгжлийн чиг хандлага, тэргүүлэх зорилттой нийцэж, Сүжөүгийн аж үйлдвэрийн парк зэрэг олон хамтын ажиллагааны үр дүнд хүрч, хоёр орны тус тусын орчин үеийн бүтээн байгуулалтад чухал дэмжлэг үзүүлж, бүс нутгийн орнуудын хамтын ажиллагааны жишиг тогтоов. Хоёр тал хоёр орны харилцааны хөгжлийн туршлага, мэргэн ухааныг авч, сайн сайхан уламжлалыг өвлөн, урагшлуулж, Хятад Сингапурын найрамдлын модыг цэцэглүүлж, арвин үр жимс ургуулах ёстой гэж хэлэв.

Дарга Ши Жиньпин мөн:

- Хятад, Сингапур хоёр орны найрамдлын ерөнхий чиг хандлагыг тууштай баримталж, хоёр орны харилцааг стратегийн өндөрлөг, урт хугацааны хэтийн төлөвөөр харж, хөгжүүлэх ёстой. Хятад, Сингапурын найрсаг улс төрийн үндэс суурийг цаашид бэхжүүлж, бие биенийхээ язгуур ашиг сонирхол, анхаарал хандуулж буй томоохон асуудлыг дэмжиж, улс төрийн харилцан итгэлцлийн өндөр түвшинд хоёр орны харилцааг хөгжүүлэхэд үйлчлэх ёстой. Хоёр орны ард иргэдийн хэлхээ холбоог ойртуулж, соёлын солилцоо, хамтын ажиллагаагаа гүнзгийрүүлэн, хоёр орны найрамдлыг ард түмний зүрх сэтгэлд улам нэвтрүүлэх ёстой. Сингапурын талтай хамтран ажиллаж, түүхийн зөв талд, шударга ёсны талд зогсож, дэлхийн эрх тэгш, эмх цэгцтэй олон туйлт, багтаамжтай, хүртээмжтэй эдийн засгийн даяаршлыг хамтдаа дэмжин, энх тайван, аюулгүй байдал, хөгжил цэцэглэлт, ахиц дэвшлийн гэрэлт ирээдүйг ахиулахад Хятад улс бэлэн байна гэж хэлэв.

Лоусон Вонг:

- Сингапурын өмнөх үе үеийн удирдагчид Хятадтай харилцах харилцааг чухалчлан үзэж ирсэн, Хятад улс бол миний улиран сонгогдсоны дараа АСЕАН-аас гадна, айлчлал хийж буй анхны орон юм. Сингапур нэг Хятадын бодлогыг тууштай баримталж, "Тайванийн тусгаар тогтнол"-ыг эсэргүүцэх болно. Хоёр орон дипломат харилцаа тогтоосны 35 жилийн ой тохиож буй энэ үед Хятадын хөгжлийн боломжийг бүрэн ашиглаж, хоёр талын худалдаа, хөрөнгө оруулалтын цар хүрээ, дижитал эдийн засаг, хиймэл оюун ухаан, шинэ эрчим хүч зэрэг салбар дахь хамтын ажиллагаагаа өргөжүүлэн, соёлын солилцоог бэхжүүлж, Сингапур, Хятадын харилцааны илүү их хөгжлийг ахиулахад Сингапур бэлэн байна. Олон улсын байдал ээдрээтэй байгаа өнөөгийн нөхцөлд Хятад улстай бүс нутгийн болон олон талт платформ дээр нягт уялдаа холбоотой хамтран ажиллаж, олон талт үзэл, олон улсын дэг журмыг хамтдаа хамгаалахад Сингапур бэлэн байгаа бөгөөд Хятад улс дэлхийн энх тайвныг тогтооход илүү чухал үүрэг гүйцэтгэнэ гэдэгт итгэж байна гэж хэлэв.