ХКН-ын Төв хорооны Улс төрийн товчооны байнгын хорооны гишүүн, Төрийн зөвлөлийн ерөнхий сайдын орлогч Дин Шюэшян 1-р сарын 20-ны өдөр Памран хотноо Швейцарийн дэд ерөнхийлөгч, Эдийн засаг, боловсролын сайд Палмрантай уулзав.
Дин Шюэшян хэлэхдээ, Швейцарь бол Бүгд Найрамдах Хятад Ард Улстай хамгийн түрүүнд дипломат харилцаа тогтоосон барууны орнуудын нэг юм. Дипломат харилцаа тогтоосноос хойших 75 жилийн хугацаанд Хятад, Швейцарийн харилцаанд ихээхэн ахиц дэвшил гарч, хоёр тал "эрх тэгш, шинэлэг санаа, хамтаар ялах" үзэл санааг хөгжүүлэхийн төлөө хамтран ажиллаж байна. 2017 онд дарга Ши Жиньпин Швейцарьт төрийн айлчлал хийж, Швейцарийн талтай хэд хэдэн чухал зөвшилцөлд хүрснээр хоёр талын харилцааг шинэ түвшинд гаргаж, Хятад, Швейцарийн шинэлэг стратегийн түншлэлийн харилцааны шинэ хуудсыг нээсэн юм.
Дин Шюэшян онцлохдоо, Хятад, Швейцарийн найрсаг харилцаа, харилцан ашигтай хамтын ажиллагаа нь хоёр улсын үндсэн ашиг сонирхол, олон улсын хамтын нийгэмлэгийн нийтлэг хүлээлттэй нийцэж байна. Хоёр орны удирдагчдын тохиролцсон чухал нийтлэг ойлголтыг хэрэгжүүлэхийн тулд Швейцарьтай хамтран ажиллахад Хятад улс бэлэн байна. Хоёр тал дээд хэмжээний харилцаа холбоогоо хэвээр байлгаж, улс төрийн харилцан итгэлцлийн үлгэр жишээ үзүүлэх, давуу талаараа харилцан нөхөж, харилцан ашигтай загварыг бий болгох, Хүмүүнлэгийн хэлхээ холбоогоо гүнзгийрүүлж, хүмүүсийн хоорондын харилцааны үлгэр жишээг үзүүлж, олон талт үзэл баримтлалыг баримталж, олон улсын хамтын ажиллагаанд үлгэр жишээ үзүүлэх ёстой гэжээ.
Дин Шюэшян Хятадын эдийн засгийн нөхцөл байдлыг танилцуулж, Хятадын Коммунист Намын 20-р удаагаа сонгогдсон Төв хорооны 3-р бүгд хурал шинэчлэлийг бүх талаас нь гүнзгийрүүлж, Хятадын онцлогтой орчин үеийн шинэчлэлийг дэмжих талаар системтэй арга хэмжээ авсан бөгөөд шинэчлэлийн олон томоохон арга хэмжээг хэрэгжүүлснээр хөгжлийн дараагийн шатанд хүчтэй түлхэц өгч байна хэмээн онцлон тэмдэглэв.
Палмран хэлэхдээ, 2017 онд дарга Ши Жиньпин Швейцарьт чухал түүхэн айлчлал хийж, Швейцарь-Хятадын инновацийн стратегийн түншлэлийн шинэ үе шатанд орлоо. Хоёр тал харилцан бүтээлч яриа хэлэлцээ өрнүүлж, харилцан итгэлцлийг бэхжүүлж, янз бүрийн салбар, бүх түвшинд байнга өрнөж, үр дүнтэй хамтын ажиллагаа явуулж байна. Шинэчлэл, хөгжил, ялангуяа шинжлэх ухаан, технологийн шинэчлэлийн салбартгарамгай амжилт гаргасан Хятад улсад баяр хүргэе. Швейцарь, Хятад хоёр орон бие биенийхээ эдийн засгийн давуу талыг нөхөж, инновац, санхүү, дижитал шинэчлэл, дээд боловсрол, мэргэжлийн сургалт, өндөр настнуудын асрамж, цаг уурын өөрчлөлттэй тэмцэх зэрэг салбаруудад хамтран ажиллах асар их боломж бий. Швейцарь улс Хятадтай олон талт асуудлаар харилцаа хамтын ажиллагаагаа бэхжүүлж, дэлхий дахины сорилт бэрхшээлүүдийг хамтаар даван туулахад бэлэн байна. Швейцарийн тал Хятад иргэдэд визгүй зорчих зөвшөөрөл олгосноор Швейцар хятадын жуулчдыг олноор хүлээн авч, хоёр талын ххарилцааг цаашид гүнзгийрүүлж, Швейцарь, Хятадын найрамдлыг өргөжүүлэхэд бэлэн байна гэжээ.
