Үзэсгэлэнд уран зураг, арьсан зураг, чимэглэх урлагийн төрлүүдээс бүрдсэн нийт 60 гаруй бүтээлийг дэлгэн үзүүлнэ. Түүнчлэн түүхэн бодит сэдэвтэй уран зургууд нь сэтгэлгээний буюу орчин үеийн зохиомж, өгүүлэмжтэй, тосон зургуудтай хослуулсан бүтээлүүд байхаас гадна арьсан хүүхэлдэй, арьсан  зургууд нь үзэсгэлэнгийн гол өнгө аясыг тодорхойлсон бүтээлүүд байх юм байна. Чадварлаг гурван уран бүтээлч маань өөр өөрийн онцлог, өнгө гэрэл бүхий өвөрмөц бүтээлүүдээрээ өөрсдийн дотоод ертөнц, нарийн торгон мэдрэмжийг илэрхийлэхийн зэрэгцээ үндэсний түүх, монголын эртний домог, үлгэрүүдийг амилуулан үзэгч олондоо хүргэхээр бэлтгээд байна.