Хятадын Үндэсний статистикийн газрын саяхан гаргасан мэдээллээр, энэ оны эхний улиралд үйлчилгээний салбарын нэмүү өртөг Хятадын ДНБ-ний 61.7 хувийг эзэлжээ. Эдийн засгийн өсөлтөд оруулсан хувь нэмэр 63.2 хувьд хүрч, өнгөрсөн оны мөн үеэс 4.0 нэгжээр өсжээ гэжээ.
- Энэ оноос үйлчилгээний гол салбаруудын үйл ажиллагааны орлого ихэвчлэн хурдан өсөж байгаа ба ялангуяа үйлчилгээний салбарын компаниудын үйлдвэрлэл үйлчилгээ дижитал технологиор идэвхжиж, амьдралын үйлчилгээний хэрэглээ хурдан хөгжиж байгааг харуулж байна. 1-2-р сард, томоохон программ хангамж, мэдээллийн технологийн үйлчилгээ, интернэт болон холбогдох үйлчилгээ үзүүлэгч компаниудын борлуулалтын орлого өнгөрсөн жилийн мөн үеэс тус тус 14.4 ба 12.1 хувь өсжээ гэж Хятадын статистикийн газрын үйлчилгээний салбарын судалгааны төвийн дарга Пэн Юнтао хэлэв.
“Хиймэл оюун ухаан”-ны олон салбарт гүнзгий нэгдэхийн хэрээр шинжлэх ухаан техникийн ололтыг хэрэглээнд шилжүүлэх ажил тасралтгүй урагшилж, шинэ үйлчилгээний салбар хүчтэй хөгжиж байна. 01-р сараас 02-р сарын хооронд, том стратегийн шинэ үйлчилгээний салбар, өндөр технологийн үйлчилгээний салбарын аж ахуйн нэгжүүдийн орлого өнгөрсөн жилийн мөн үеэс тус тус 8.0 хувь ба 6.7 хувь нэмэгдсэн. Үүний дотор шалгалт ба туршилтын үйлчилгээ, судалгаа хөгжүүлэлт ба дизайн үйлчилгээ тус бүр 10.5 хувь, 10.1 хувь өссөн байна. Дижитал технологи ба бодит эдийн засгийн гүнзгий интеграци нь аж үйлдвэрийн шинэчлэлийг эрчимжүүлж, улирлын эхээр программ хангамжийн мэдээллийн үйлчилгээний платформын орлогын хэмжээ өнгөрсөн жилийн мөн үеэс 11.7 хувь өссөн ажээ.
- Дараагийн шатанд үйлчилгээний салбарын хүчин чадлыг тэлэх, чанарыг дээшлүүлэх үйл ажиллагааг гүнзгийрүүлэн хэрэгжүүлж, аж ахуйн нэгжүүдийн идэвх санаачилгыг бүрэн дүүрэн хөхүүлэн дэмжиж, үйлчилгээний салбарын өсөлтийн шинэ цэгүүдийг тасралтгүй бүрдүүлж, эдийн засгийн эргэлтийн бүх шатны саадгүй холболтыг дэмжиж, зах зээл болон иргэдийн хувь хүний болон олон төрлийн, чансаатай хэрэгцээг илүү сайн хангаж, үйлчилгээний салбарын хөгжлийн шинэ нөхцөл байдлыг бий болгохыг эрмэлзэх хэрэгтэй гэж Пэн Юнтао хэлжээ.
